IPL 2020| ഹൈദരാബാദ് ടീമിനെ ചിയർ ചെയ്ത് ഓറഞ്ച് ജഴ്സിയിലെ ആ സുന്ദരി ആരാണെന്ന് അറിയാമോ?

ഐപിഎൽ 13ാം സീസൺ യുഎഇയിൽ പുരോഗമിക്കുകയാണ്. കോവിഡ് വ്യാപനത്തിന്റെ പശ്ചാത്തലത്തിലാണ് മത്സരങ്ങൾ യുഎഇയില്‍ നടത്തുന്നത്.

കോവിഡ് ആയതിനാൽ കർശന മാർഗനിർദേശങ്ങൾ പാലിച്ചാണ് മത്സരങ്ങൾ നടത്തുന്നത്. കോവിഡ് മാർഗ നിർദേശങ്ങൾ അനുസരിച്ച് ഇത്തവണ ഐപിഎൽ മത്സരങ്ങൾ ഒഴിഞ്ഞ ഗ്യാലറിയിലാണ് നടക്കുന്നത്.

അതുകൊണ്ട് തന്നെ ടീമുകളെ പ്രോത്സാഹിപ്പിക്കാൻ ഇത്തവണ കാണികൾ ഇല്ല. എന്നാൽ ടീമുകളുമായി ബന്ധപ്പെട്ടവർ പ്രചോദനവുമായി എല്ലാ മത്സരങ്ങളിലും ഉണ്ടാകാറുണ്ട്.

പ്രീതി സിന്റയും ഷാരൂഖ് ഖാനും ആകാശ് അംബാനിയുമെല്ലാം അത്തരത്തിലെ സുപരിചിതമായ മുഖങ്ങളാണ്.

എന്നാൽ സൺറൈസേഴ്സ് ഹൈദരാബാദ് മത്സരങ്ങളില്‍ ഓറഞ്ച് ജഴ്സിയണിഞ്ഞ് ടീമിനെ ചിയർ ചെയ്യുന്ന പെൺകുട്ടിയെ കുറിച്ചാണ് ഇപ്പോൾ അന്വേഷണം നടക്കുന്നത്. കാവ്യ മാരനാണ് ആ പെൺകുട്ടി.

സൺറൈസേഴ്സ് ഹൈദരാബാദ് ഉടമ കലാനിധി മാരന്റെ മകളാണ് കാവ്യ. ഒരു ക്രിക്കറ്റ് ആരാധിക കൂടിയാണ് 28കാരിയായ കാവ്യ. അതുകൊണ്ട് തന്നെയാണ് കാവ്യ ടീമിന് പിന്തുണയുമായി യുഎഇയില്‍ എത്തിയിരിക്കുന്നതും.

തുടക്കം മുതൽ തന്നെ സൺറൈസേഴ്സിന്റെ എല്ലാ മത്സരങ്ങളിലും പിന്തുണയുമായി കാവ്യ ഉണ്ടായിരുന്നു. എംബിഎ ബിരുദധാരിയായ സ്വന്തം കമ്പനിയായ സൺ ടിവി നെറ്റ്വർക്ക്സിലാണ് ജോലി ചെയ്യുന്നത്.

കൂടാതെ ഹൈദരാബാദ് ടീമിന്റെ ഇൻ ചാർജ് കൂടിയാണ് കാവ്യ.സൺ നെറ്റ് വർക്ക് ഒടിടി ഡിവിഷൻറെ മേധാവിയാണ് കാവ്യ. സൺടിവി യുടെ ഡിജിറ്റൽ മാര്‍ക്കറ്റിംഗിന്റെ ചുമതല കൂടി കാവ്യയ്ക്കുണ്ട്.