'പഞ്ചായത്ത് ഓഫീസ് പൂട്ടാതെ മദ്യപാന സദസ്;' ആരോപണവുമായി ബിജെപി; പോരുവഴിയിൽ പുതിയ പോര്

Published by:Rajesh V
news18-malayalam

Last Updated:Jan 05, 2021 10:44 AM IST

തദ്ദേശ തെരഞ്ഞെടുപ്പ് മുതൽ വിവാദങ്ങൾ നിറഞ്ഞ പഞ്ചായത്താണ് പോരുവഴി. ഇവിടെ ഇടതു വലതു മുന്നണികളും ബിജെപിയും 5 സീറ്റുകൾ വീതം നേടി. എസ്ഡിപിഐക്ക് 3 സീറ്റുകളും ലഭിച്ചു. ഒടുവിൽ എസ്ഡിപിഐ പിന്തുണയോടെ യുഡിഎഫ് അധികാരത്തിലെത്തി. (റിപ്പോർട്ട്- വി വി വിനോദ്)

+ Follow usOn Google

1/9

കൊല്ലം പോരുവഴി പഞ്ചായത്തിനെ ചുറ്റിപ്പറ്റിയുള്ള വിവാദങ്ങൾ അവസാനിക്കുന്നില്ല. കഴിഞ്ഞ ദിവസം പഞ്ചായത്ത് ഓഫീസ് അടയ്ക്കാതെ പോയതാണ് പുതിയ വിവാദം. ഓഫീസിനുള്ളിൽ ഇന്നലെ മദ്യപാനം നടന്നുവെന്നാണ് ബിജെപി ആരോപിക്കുന്നത്.

2/9

എസ്ഡിപിഐ പിന്തുണയോടെ യുഡിഎഫ് അധികാരത്തിലെത്തുകയും ഇതേ ബന്ധത്തിന്റെ പേരിൽ പഞ്ചായത്ത് പ്രസിഡന്റിനെ കോൺഗ്രസ് പുറത്താക്കുകയും ചെയ്ത ഇടമാണ് പോരുവഴി.

3/9

പ്രഭാതസവാരിക്കിറങ്ങിയവരാണ് പഞ്ചായത്ത് ഓഫീസ് തുറന്നു കിടക്കുന്നത് ആദ്യം കണ്ടത്. പ്രസിഡന്റിന്റെ മുറിയടക്കം തുറന്ന നിലയിലായിരുന്നു. ഫയലുകളുള്ള മുറികളും തുറന്നു തന്നെ ആയിരുന്നു.

4/9

രാത്രി ഓഫീസിനുള്ളിൽ മദ്യപാനം നടന്നുവെന്നാണ് ബിജെപി ആരോപണം. എന്നാൽ കഴിഞ്ഞ ദിവസം വൈകിട്ട് നാലേകാലോടെ ഓഫീസിൽ നിന്നു മടങ്ങിയെന്ന് പ്രസിഡന്റ് ബിനു മംഗലത്ത് പറഞ്ഞു.

5/9

രണ്ട് ഓഫീസ് അസിസ്റ്റന്റുമാരാണ് പഞ്ചായത്തിലുള്ളത്. വീഴ്ച വരുത്തിയവർക്കെതിരെ കർശന നടപടി സ്വീകരിക്കുമെന്ന് പ്രസിഡന്റ് ബിനു മംഗലത്ത് പറഞ്ഞു.

6/9

മലനട ക്ഷേത്ര യോഗവുമായി ബന്ധപ്പെട്ട തർക്കത്തെ തുടർന്ന് കഴിഞ്ഞ ദിവസം ബിജെപി പ്രവർത്തകർ പഞ്ചായത്ത് പ്രസിഡന്റിന്റെ കോലം കത്തിച്ചിരുന്നു.

7/9

തദ്ദേശ തെരഞ്ഞെടുപ്പ് മുതൽ വിവാദങ്ങൾ നിറഞ്ഞ പഞ്ചായത്താണ് പോരുവഴി. ഇവിടെ ഇടതു വലതു മുന്നണികളും ബിജെപിയും 5 സീറ്റുകൾ വീതം നേടി. എസ്ഡിപിഐക്ക് 3 സീറ്റുകളും ലഭിച്ചു. ഒടുവിൽ എസ്ഡിപിഐ പിന്തുണയോടെ യുഡിഎഫ് അധികാരത്തിലെത്തി.

8/9

എസ്ഡിപിഐയുടെ പിന്തുണ സ്വീകരിച്ചതിന്റെ പേരിൽ പഞ്ചായത്ത് പ്രസിഡന്റിനെ കോൺഗ്രസിൽ നിന്ന് പുറത്താക്കുകയും ചെയ്തു. അധികാരത്തിലെത്തിയതിന്റെ ആഘോഷമായി ഇന്നലെ ഭാഗമായി നിശാപാർട്ടി നടന്നുവെന്നാണ് ബിജെപി ആരോപിക്കുന്നത്.

9/9

പഞ്ചായത്ത് ഓഫീസിലെ സുപ്രധാന രേഖകൾ അടങ്ങുന്ന സെർവർ റൂം ഉൾപ്പടെ തുറന്ന് കിടന്നുവെന്നത് ഗുരുതര സംഭവമാണെന്നും പ്രതിഷേധവുമായെത്തിയവർ ചൂണ്ടിക്കാട്ടി. സ്ഥലത്ത് പൊലിസെത്തി പരിശോധന നടത്തി. സംഭവത്തിൽ ശക്തമായ അന്വേഷണം വേണമെന്നാണ് ബിജെപി ആവശ്യം.

'പഞ്ചായത്ത് ഓഫീസ് പൂട്ടാതെ മദ്യപാന സദസ്;' ആരോപണവുമായി ബിജെപി; പോരുവഴിയിൽ പുതിയ പോര്

ഫോട്ടോ

പ്രധാനപ്പെട്ട വാർത്ത