മദ്രാസ് IIT വിദ്യാർഥിനി ഫാത്തിമ ലത്തീഫിന്റെ മരണം: അന്വേഷണം സിബിഐക്ക്

മദ്രാസ് ഐഐടി വിദ്യാർഥിനി ഫാത്തിമ ലത്തീഫിന്റെ മരണം സിബിഐ അന്വേഷിക്കും. കേന്ദ്ര ആഭ്യന്തരമന്ത്രി അമിത്ഷായാണ് ഉറപ്പു നൽകിയത്.

വനിതാ ഐജിയാകും അന്വേഷിക്കുക. ഒരാഴ്ചക്കുള്ളിൽ അന്വേഷണ ഉത്തരവ് ഇറക്കുമെന്ന് അമിത് ഷാ ഉറപ്പ് നൽകി. ഫാത്തിമയുടെ പിതാവ് ലത്തീഫ്, കേരളത്തിൽ നിന്നുള്ള എംപിമാർ, കൊല്ലം മേയർ തുടങ്ങിയവർ പാർലമെന്റിൽ അമിത്ഷായുമായി കൂടിക്കാഴ്ച നടത്തി.

രാജ്യത്തെ മറ്റു ഐഐടികളിലെയും ഐഐഎമ്മുകളിലെയും മരണങ്ങളും സിബിഐയുടെ അന്വേഷണ പരിധിയിൽ വരും. കേന്ദ്രത്തിന്റെ മറുപടിയിൽ തൃപ്തിയുണ്ടെന്നു  കൂടിയകാഴ്ചക്ക് ശേഷം  ലത്തീഫ് പറഞ്ഞു.