ഗ്യാപ് റോഡ് ഇടുക്കിയുടെ സമഗ്രവികസനത്തിന് മുതൽക്കൂട്ടാകും: ചെറുതോണി പാലം അതിജീവനത്തിന്റെ മാതൃക; നിതിൻ ഗഡ്കരി
- Published by:Vishnupriya S
- news18-malayalam
Last Updated:
'മൂന്നാറിലെ തണുപ്പും മഞ്ഞും ആസ്വദിക്കാനെത്തുന്നവർക്ക് കാഴ്ച്ചയുടെ പുതിയ അനുഭവമാകും ഗ്യാപ്പ് റോഡ് യാത്ര'
ഇടുക്കി: മൂന്നാർ-ബോഡിമെട്ട് റോഡും ചെറുതോണി പാലവും നാടിന് സമര്പ്പിച്ചു കേന്ദ്ര ഉപരിതല ഗതാഗത വകുപ്പുമന്ത്രി നിതിൻ ഗഡ്കരി. മൂന്നാറിലെ തണുപ്പും മഞ്ഞും ആസ്വദിക്കാനെത്തുന്നവർക്ക് കാഴ്ച്ചയുടെ പുതിയ അനുഭവമാകും ഗ്യാപ്പ് റോഡ് യാത്രയെന്ന് മന്ത്രി പറഞ്ഞു. സഞ്ചാരികളുടെ ഒഴുക്ക് വർധിച്ചതോടെ ഗ്യാപ് റോഡ് ഇടുക്കിയുടെ സമഗ്ര വികസനത്തിന് മുതൽക്കൂട്ടാകും, മന്ത്രി പറഞ്ഞു.
advertisement
മുൻപ് മൂന്നാറിൽ എത്തിയത് ഇന്നും ഓർക്കുന്നുണ്ട്. ആ സൗന്ദര്യം ഇന്നും കേരളത്തിനുണ്ട്. ചെറുതോണി പാലം പ്രളയ അതിജീവനത്തിന്റെ മാതൃകയാണ്. കേരളത്തിന്റെയും നാടിന്റെയും വികസനത്തിനായി ഒരുമിച്ചു മുന്നേറാമെന്നും ഓൺലെനായി ഉദ്ഘാടനം നിർവഹിച്ച ശേഷം അദ്ദേഹം പറഞ്ഞു. മൂന്നാർ കെഡിഎച്പി ഗ്രൗണ്ടിൽ സംഘടിപ്പിച്ച പൊതുസമ്മേളനത്തിൽ അഡ്വ ഡീൻ കുര്യാക്കോസ് എംപി, അഡ്വ എ രാജ എംഎൽഎ എന്നിവർ സംസാരിച്ചു. യോഗത്തിൽ ത്രിതല പഞ്ചായത്ത് പ്രതിനിധികൾ, രാഷ്ട്രീയകക്ഷി നേതാക്കൾ തുടങ്ങിയവർ പങ്കെടുത്തു.
advertisement
കൊച്ചി-ധനുഷ്കോടി ദേശീയപാത 85 ല് ബോഡിമെട്ട് മുതല് മൂന്നാര് വരെയുളള 42.28 കിലോമീറ്റര് റോഡാണ് പുതുതായി നിര്മ്മിച്ചിട്ടുള്ളത്. ശരാശരി 10.5 മീറ്റര് വീതിയില് പേവ്ഡ് ഷോള്ഡറോടു കൂടി രണ്ട് വരിപാതയായി 268.20 കോടി രൂപ ചെലവിലാണ് നിര്മ്മാണം പൂര്ത്തിയാക്കിയത്. 2027 ജൂണ് വരെയുള്ള അറ്റകുറ്റപ്പണികളും കരാറില് ഉള്പ്പെട്ടിട്ടുണ്ട്.
advertisement
പദ്ധതിയുടെ ഭാഗമായി പൂപ്പാറയിലും ആനയിറങ്കല് ഭാഗത്തും 2 ബൈപ്പാസും പൂപ്പാറ, മൂലത്തറ എന്നിവിടങ്ങളില് 2 പാലങ്ങളും നിര്മ്മിച്ചു. 4 ഹൈമാസ്റ്റ് ലൈറ്റുകള് , 41.310 കിലോമീറ്റര് നീളത്തില് റോഡ് സൈഡ് ഡ്രെയിന്, 14.364 നീളത്തില് സംരക്ഷണ ഭിത്തി, 154 കലുങ്കുകളുടെ നിര്മ്മാണം ,ടോള് പ്ലാസ കോംപ്ലക്സ് , ടോയ്ലറ്റ് ബ്ലോക്ക് തുടങ്ങിയവയും പദ്ധതിയുടെ ഭാഗമായി നിര്മ്മിച്ചിട്ടുണ്ട്.
advertisement
18 മീറ്റര് വീതിയും 120 മീറ്റര് നീളത്തിലുമാണ് ചെറുതോണി പാലം നിര്മ്മിച്ചിരിക്കുന്നത്. 2018 ലെ ഹൈ ഫ്ളഡ് ലെവല് കണക്കാക്കി അതില് നിന്ന് 8 മീറ്റര് മുകളില് വരുന്ന രീതിയിലാണ് പാലം നിര്മ്മിച്ചിരിക്കുന്നത്. കൂടാതെ 90 മീറ്റര് അപ്രോച്ച് റോഡും പദ്ധതിയിലുണ്ട്. 40 മീറ്റര് നീളത്തിലുള്ള മൂന്നു സ്പാനുകളില് പണി തീര്ത്ത പാലത്തിന്റെ നിര്മ്മാണം കഴിഞ്ഞ ജൂണിലാണ് പൂര്ത്തിയായത്.
advertisement
4 വര്ഷം അറ്റകുറ്റപണികള്ക്കുള്ള കരാറും 10 വര്ഷം ഡിഫെക്ട് ബാധ്യത കാലാവധിയുമാണ് പാലം നിര്മ്മാണത്തിന്റെ കരാറിലുള്ളത്. പാലത്തിന്റെ ഇരു വശങ്ങളിലുമായി കാല്നടക്കാര്ക്ക് നടപ്പാത, ക്രാഷ് ബാരിയര്, 75 മീറ്റര് ഡ്രൈനേജ്, സോളാര് ലൈറ്റുകള്, ട്രാഫിക് സിഗ്നലുകള് എന്നിവ പാലം നിര്മ്മാണപദ്ധതിയില് ഉള്പ്പെടുന്നു.