അതിരപ്പിളളിയിലെ വീട്ടു വരാന്തയിൽ 'അപ്രതീക്ഷിത അതിഥി'യായി ചീങ്കണ്ണി; പരിഭ്രാന്തരായി നാട്ടുകാർ

തൃശ്ശൂർ : അതിരപ്പിള്ളിയിൽ വീട്ടു വരാന്തയിൽ ചീങ്കണ്ണിയെ കണ്ടെത്തി. വെള്ളച്ചാട്ടത്തിന് താഴ്ഭാഗത്ത് ചാലക്കുടി പുഴയുടെ തീരത്തുള്ള വീടിൻ്റെ വരാന്തയിൽ പുലർച്ചെ അഞ്ചര മണിയ്ക്കാണ് ചീങ്കണ്ണിയെ കണ്ടത്

ഷാജി എന്നറിയപ്പെടുന്ന സാബു തച്ചിയത്ത് എന്നയാളുടേതായിരുന്നു വീട്. അഞ്ചരയ്ക്ക് സാാബുവിൻ്റെ ഭാര്യയാണ് വാതിൽ തുറന്നപ്പോൾ ചീങ്കണ്ണിയെ ആദ്യം കണ്ടത്.

പരിഭാന്തരായ വീട്ടുകാർ ഫോറസ്റ്റ് ഉദ്യോഗസ്ഥരെ വിവരം അറിയിച്ചു.

അതിരപ്പള്ളി വെള്ളച്ചാട്ടം കാണാൻ എത്തുന്ന വിനോദ സഞ്ചാരികൾ ധാരാളമായെത്തുന്ന താഴ്ഭാഗത്ത് ചീങ്കണ്ണിയെ കണ്ടത് ആശങ്കയ്ക്ക് ഇടയാക്കി

ചാലക്കുടി പുഴയിൽ ചീങ്കണ്ണി ധാരാളമായി ഉണ്ട്. പലപ്പോഴായി റോഡുകളിലും മറ്റും ചീങ്കണ്ണിയെ കണ്ടിട്ടുണ്ടെങ്കിലും വീടിന് സമീപം കാണുന്നത് ആദ്യമായിട്ടാണ്‌.

ഫോറസ്റ്റ് ഉദ്യോഗസ്ഥരും നാട്ടുകാരും ചേർന്ന് ചീങ്കണ്ണിയെ പുഴയിലേക്ക് ഒഴുക്കി വിട്ടു.

സ്ഥലത്തെത്തിയ വനം വകുപ്പ് അധികൃതര്‍ നാട്ടുകാരുടെ സഹായത്തോടെയാണ് ചീങ്കണ്ണിയെ കുടുക്കിയത്. തുടര്‍ന്ന് കയറുകൊണ്ട് വരിഞ്ഞുമുറുക്കി പുഴയുടെ അടുത്തെത്തിക്കുകയായിരുന്നു