Health Benefits of Apple| ഒരു ദിവസം ഒന്നിൽ കൂടുതൽ ആപ്പിൾ കഴിക്കാമോ?

പഴവര്‍ഗ്ഗങ്ങള്‍ ആഹാരത്തിൽ ഉൾപ്പെടുത്തുന്നത് ശരീരത്തിന് ഏറെ പ്രയോജനം ചെയ്യുമെന്നാണ് പറയുന്നത്. എന്നാലിത് അമിതമായി പോയാലും ആരോ​ഗ്യപ്രശ്നങ്ങൾക്ക് കാരണമാകും.

എല്ലാവർക്കും ഏറെ ഇഷ്ടമുള്ളൊരു ഫ്രൂട്ടാണ് ആപ്പിൾ (Apple). പക്ഷെ, ഒരു ​ദിവസം ഒന്നിൽ കൂടുതൽ ആപ്പിൾ കഴിച്ചാൽ ആരോ​ഗ്യത്തിന് ​ഗുണമാണോ ദോഷമാണോ ഉണ്ടാകുന്നതെന്ന് നോക്കാം. പോഷകങ്ങളുടെ ഒരു കലവറയാണ് ആപ്പിൾ. ആന്റിഓക്‌സിഡന്റുകൾ, വിറ്റാമിനുകൾ, പ്രോട്ടീനുകൾ, കാർബോഹൈഡ്രേറ്റ്‌സ്, മഗ്നീഷ്യം, വിറ്റാമിൻ സി, കെ, കാൽസ്യം, വിറ്റാമിൻ ബി-6 തുടങ്ങി എല്ലാ പോഷകങ്ങളും ആപ്പിളിലുണ്ട്.

ആപ്പിൾ കഴിയ്ക്കുമ്പോൾ ആദ്യം ചിന്തിക്കുന്നതാണ് തൊലിയോടുകൂടി കഴിയ്ക്കുന്നതാണോ? തൊലി കളഞ്ഞ് കഴിയ്ക്കുന്നതാണോ ആരോ​ഗ്യത്തിന് നല്ലതെന്ന്. നാരുകളാൽ സമ്പുഷ്ടമായതിനാൽ, ആപ്പിൾ തൊലിയോടുകൂടി കഴിയ്ക്കുന്നതാണ് നല്ലത്. ഇങ്ങനെ കഴിച്ചാൽ, മലബന്ധം പോലുള്ള അസ്വസ്ഥകൾക്ക് ആശ്വാസം ലഭിക്കും. തൊലി കളഞ്ഞ് കഴിച്ചാലും പ്രശ്നമൊന്നും ഇല്ലെന്നാണ് വിദ‌‌​ഗ്‌ദർ പറയുന്നത്.

പ്രത്യേക ശ്രദ്ധിക്കേണ്ട കാര്യം, ആപ്പിൾ കഴിയ്ക്കുന്നതിന് മുന്നെ  ഇളം ചൂടു വെള്ളത്തിലോ മഞ്ഞപ്പൊടി ചേർത്ത വെള്ളത്തിലോ ഇട്ടുവെക്കണം. ഇങ്ങനെ ചെയ്യുന്നത് വൃത്തിയോടെ കഴിയ്ക്കുന്നതിനാണ്.

ആപ്പിൾ രാത്രി ഒഴിച്ച് ബാക്കി ഏതു സമയത്ത് വേണമെങ്കിലും കഴിയ്ക്കാമെന്നാണ് പറയുന്നത്. ആപ്പിളിൽ അടങ്ങിയിരിക്കുന്ന എല്ലാ പോഷകങ്ങളും ശരീരത്തിന് ലഭിക്കാൻ ആപ്പിൾ രാവിലെ പ്രഭാത ഭക്ഷണത്തിനു മുൻപ് വെറും വയറ്റിൽ കഴിക്കുന്നതാണ് നല്ലതെന്നു ഡോക്ടർമാർ അഭിപ്രായപ്പെടുന്നത്.

ആപ്പിളിൽ പോഷകങ്ങൾ അടങ്ങിയിട്ടുണ്ടെങ്കിലും അമിതമായി കഴിയ്ക്കുന്നത് ശരീരത്തിന് നല്ലതല്ല. അമിതമായി ആപ്പിൾ കഴിക്കുന്നതിലൂടെ വായിലും നാക്കിലും തൊണ്ടയിലും വീക്കം ഉണ്ടാകാനും ചിലർക്ക് അലർജി പോലുള്ള അസ്വസ്ഥകൾ ഉണ്ടാകാനും കാരണമാകും. ദിവസവും അമിതമായി ആപ്പിൾ കഴിച്ചാൽ ശരീരത്തിന് ദോഷം തന്നെയാണ്.

ഇനി ഒരു ദിവസം ഒന്നിൽ കൂടുതൽ ആപ്പിൾ കഴിയ്ക്കാമോയെന്ന് സംശയമുള്ള ചിലരെങ്കിലും കാണും. ആപ്പിളിൽ കഫീൻ അടങ്ങിയിട്ടുള്ളതിനാൽ ദിവസവും ഒരു ആപ്പിൾ കഴിച്ചാൽ മതിയാകും. കഫീൻ അടങ്ങിയിട്ടുള്ളതിനാൽ ശരീരഭാരം നിയന്ത്രിക്കാൻ ദിവസവും ഒന്നോ രണ്ടോ ആപ്പിൾ മാത്രം കഴിയ്ക്കുന്നതാണ് നല്ലത്. കുറഞ്ഞത് ഒരു ആപ്പിൾ ദിവസവും ഭക്ഷണത്തിൽ ഉൾപ്പെടുത്താം.