സെക്സ് ചെയ്യുമ്പോൾ അലർജി, നടക്കാൻ കഴിയാത്ത സ്ഥിതിയുണ്ടായി; മോഡലിന്റെ വെളിപ്പെടുത്തൽ

സെക്സ് ചെയ്‌തു കഴിഞ്ഞപ്പോൾ അലർജി (allergy after sex) ഉണ്ടായതായും, നടക്കാൻ പോലും കഴിയാത്ത വിധം ബുദ്ധിമുട്ടുകൾ ഉണ്ടായതായും വെളിപ്പെടുത്തി മോഡൽ രംഗത്ത്. ലൈംഗിക ബന്ധത്തിൽ ഏർപ്പെട്ടതിന് ശേഷം ചുണങ്ങും വീക്കവും ഉണ്ടായപ്പോൾ എന്താണ് കുഴപ്പമെന്ന് 26 കാരിയായ ബ്രയന്ന അലക്സിസിന് അറിയില്ലായിരുന്നു

ടെക്‌സാസിലെ ഓസ്റ്റിനിൽ നിന്നുള്ള മോഡലും സെക്‌സ് കോച്ച് വിദ്യാർത്ഥിയുമായ ബ്രയന്ന പറഞ്ഞു: "എന്റെ എല്ലാ സുഹൃത്തുക്കളും എന്നോട് പറയുകയായിരുന്നു ലൈംഗികത അവർക്ക് എത്ര മികച്ചതാണെന്ന്, പക്ഷെ എനിക്ക് അതുമായി സമാനത കണ്ടെത്താൻ കഴിഞ്ഞില്ല," എന്നാൽ ഒടുവിൽ തന്റെ ഈ അവസ്ഥയ്ക്കുള്ള കാരണവും പരിഹാരവും അവർ തന്നെ കണ്ടെത്തി (തുടർന്ന് വായിക്കുക)

ആദ്യമായി കോണ്ടം ഉപയോഗിച്ച് ശാരീരിക ബന്ധത്തിൽ ഏർപ്പെട്ടപ്പോഴാണ് ഇവർക്ക് ഇത്തരം പ്രശ്നങ്ങൾ നേരിടേണ്ടി വന്നത് എന്ന് 'ദി സൺ' അഭിമുഖത്തിൽ അവർ വെളിപ്പെടുത്തി. 'കോണ്ടം ഉപയോഗിച്ച് ആദ്യമായി ലൈംഗിക ബന്ധത്തിൽ ഏർപ്പെട്ടതിന് ശേഷം എനിക്ക് ശരിയായി നടക്കാൻ കഴിയാതെ വേദന അനുഭവപ്പെട്ടു' എന്ന് അവർ പറഞ്ഞു. അസ്വസ്ഥതയും വീക്കവും മാറിയതിന് ശേഷം അവൾ കോണ്ടം ഉപയോഗിക്കുന്നത് തുടർന്നു, പക്ഷേ അത് അസ്വസ്ഥതയിലും വേദനയിലും തള്ളിവിടുന്നതായി മാറി

21 വയസ്സുള്ളപ്പോഴാണ് ബ്രയന്ന ഗർഭനിരോധന ഉറകളാകാം പ്രശ്‌നമുണ്ടാക്കുന്നതെന്ന് മനസ്സിലാക്കിയത്, തനിക്ക് ലാറ്റക്‌സിനോട് അലർജിയുണ്ടെന്ന് അവർ കണ്ടെത്തി. ഇപ്പോൾ അവർക്ക് ലാറ്റക്സ് ഇതരമാർഗങ്ങൾ ഉപയോഗിക്കാൻ കഴിയും. അതിനർത്ഥം അവർക്ക് സന്തോഷകരമായ ലൈംഗിക ജീവിതം നയിക്കാൻ കഴിയും എന്നുകൂടിയാണ്

ആദ്യത്തെ ലൈംഗികാനുഭവം തന്നെ ആശുപത്രിയിൽ എത്തിക്കുമ്പോൾ, ബ്രയന്നയ്ക്ക് 18 വയസ്സ് മാത്രമേ ഉണ്ടായിരുന്നുള്ളൂ. 'വളരെ വിഷമിച്ചതിനാലാണ് ഞാൻ ആശുപത്രിയിൽ പോയത്,' അവർ പറഞ്ഞു. 'എന്നാൽ ഞാൻ കാണുമ്പോഴേക്കും തടിപ്പുകൾ മാറിയിരുന്നു. അതിനാൽ ഞാൻ വീട്ടിൽ പോയി പകരം ലൈംഗിക രോഗങ്ങളുടെ പരിശോധന നടത്തി.'

വീക്കം തുടർന്നു. അവർക്ക് മൂന്ന് ദിവസത്തേക്ക് ലൈംഗിക ബന്ധത്തിൽ ഏർപ്പെടാൻ കഴിഞ്ഞില്ല. കാമുകനുമായുള്ള ബന്ധം വേർപെടുത്തിയതിന് ശേഷം ബ്രയന്ന ഡേറ്റിംഗ് ആരംഭിച്ചു. ലൈംഗികതയിൽ സുഖം തോന്നുന്നതും വേദനയിൽ അവസാനിക്കുന്നതും തമ്മിലെ ബന്ധം അവർ കണ്ടെത്താൻ തുടങ്ങി

അവർ ഉപയോഗിച്ച കോണ്ടം പാക്കറ്റുകൾ പരിശോധിക്കാൻ തുടങ്ങി. "എന്നെ വേദനിപ്പിക്കുന്നത് ലാറ്റക്സ് ആണെന്ന് ഞാൻ മനസ്സിലാക്കി." അലർജി കണ്ടെത്തിയതിന് ശേഷം അവർ ഇപ്പോൾ ലാറ്റക്സ് അല്ലാത്ത കോണ്ടം മാത്രമാണ് ഉപയോഗിക്കുന്നത്

ശാരീരിക ബന്ധം സംബന്ധിച്ച് എന്തെങ്കിലും പിശക് തോന്നിയാൽ കാര്യങ്ങൾ പരിശോധിക്കാൻ മറ്റുള്ളവരെ പ്രോത്സാഹിപ്പിക്കാൻ ബ്രയന്ന ആഗ്രഹിക്കുന്നു."ഇത് വേദനിപ്പിക്കാനോ അസ്വസ്ഥമാക്കാനോ ഉദ്ദേശിച്ചുള്ളതല്ല, അതിനാൽ ഇത് ഒരു അലർജിയായിരിക്കാം," അവർ പറഞ്ഞു. മോഡൽ ആയ യുവതി ഇപ്പോൾ സ്വയം ഒരു സെക്‌സ് ആന്റ് ഹെൽത്ത് കോച്ചാകാനുള്ള പരിശീലനത്തിലാണ്