ബ്രെഡ് ഉണ്ടാക്കാൻ സ്ത്രീകളുടെ മൂത്രം; ശേഖരിക്കുന്നത് പബ്ലിക് ടോയ്ലറ്റുകളിൽ നിന്ന്; ഈ റെസിപി കുറച്ച് വെറൈറ്റിയാണ്

കേൾക്കാൻ പോകുന്ന കാര്യം കുറച്ച് വിചിത്രമായി തോന്നിയേക്കാം. ഒരു ഫ്രഞ്ച് ബേക്കർ ബ്രഡ് ഉണ്ടാക്കുന്നതിനു വേണ്ടി സ്ത്രീകളുടെ മൂത്രം ശേഖരിക്കുന്നു. അതും പൊതു ശൗചാലയങ്ങളിൽ നിന്ന്.

പാരിസിലെ പ്രശസ്തമായ 'ബൗകിൾ ഡി ഓർ' അല്ലെങ്കിൽ 'ഗോൾഡിലോക്സ് ബ്രഡ്' ഉണ്ടാക്കുന്നതിനാണ് ഇത്.

പാരീസിലെ പതിനാലാം അരോൻഡിസ്സെമെന്റ് പൊതു ശൗചാലയങ്ങളിൽ നിന്നാണ് ഈ ബേക്കർ മൂത്രം ശേഖരിക്കുന്നത്. കേൾക്കുമ്പോൾ അത്ര സുഖം തോന്നുന്നുണ്ടാകുന്നില്ല.

ബേക്കർ ആയ ലൂയിസ് റാഗെറ്റ് ഒരു എഞ്ചിനിയർ ആണ്. 'ഇക്കോഫെമിനിസ്റ്റ്' എന്നാണ് അവർ സ്വയം വിശേഷിപ്പിക്കുന്നത്. മൂത്രം ഒരു അത്ഭുതപ്പെടുത്തുന്ന വളമാണെന്നാണ് ലൂയിസ് പറയുന്നത്.

ഇരുപത് തവണയെങ്കിലും ശുദ്ധീകരിച്ചതിനു ശേഷം മാത്രമേ ബ്രെഡ് ഉണ്ടാക്കുന്നതിനു വേണ്ടി മൂത്രം ഉപയോഗിക്കുവുള്ളൂവെന്നും അവർ വ്യക്തമാക്കി.

ഇതിന് പിന്നിൽ എന്തെങ്കിലും ശാസ്ത്രമുണ്ടോ എന്നാണ് നിങ്ങളുടെ ചോദ്യമെങ്കിൽ അതിനും ലൂയിസിന് മറുപടിയുണ്ട്. മൂത്രത്തിൽ നൈട്രജൻ, പൊട്ടാസ്യം ഇവയുണ്ടെന്ന് റാഗെറ്റ് പറയുന്നു.

മൂത്രം ഒരു അവഗണിക്കപ്പെട്ട ദ്രാവകമാണെന്നാണ് റാഗെറ്റ് പറയുന്നത്. സാധാരണനിലയിൽ ഇതിനെ മാലിന്യമായി തള്ളിക്കളയുകയാണ് ചെയ്യുന്നത്. എന്നാൽ, ഇതിനെ ഒരു സ്വർണഖനിയായി കണക്കാക്കണമന്നും അവർ അഭിപ്രായപ്പെട്ടു.