'അവളെ തിരിച്ചു കിട്ടുമെന്നു പോലും അറിയില്ലായിരുന്നു'; മകളെ കുറിച്ച് മനസ്സ് തുറന്ന് പ്രിയങ്ക ചോപ്ര

മകൾ മാൽതിയെ കുറിച്ച് ആദ്യമായി മനസ്സു തുറന്ന് പ്രിയങ്ക ചോപ്ര. വാടക ഗർഭപാത്രത്തിലൂടെയാണ് പ്രിയങ്കയ്ക്കും ഭർത്താവ് നിക്ക് ജോനാസിനും പെൺകുഞ്ഞ് ജനിച്ചത്. മാൽതി മേരി ചോപ്ര ജോനാസ് എന്നാണ് ഇരുവരും കുഞ്ഞിന് പേരിട്ടത്. (Image: Priyanka Chopra/Instagram)

മാസം തികയാതെ ജനിച്ച കുഞ്ഞ് മൂന്ന് മാസത്തോളം NICU വിൽ ഡോക്ടർമാരുടെ നിരീക്ഷണത്തിലായിരുന്നു. കുഞ്ഞ് ജനിച്ചതും തുടർന്നുണ്ടായ സംഭവങ്ങളും തന്നേയും ഭർത്താവ് നിക്കിനേയും എങ്ങനെയൊക്കെ ബാധിച്ചുവെന്നും മകളെ ജീവനോടെ തിരിച്ചു കിട്ടുമോ എന്നുപോലും ആശങ്കപ്പെട്ടിരുന്നതായി പ്രിയങ്ക പറയുന്നു. (Image: Priyanka Chopra/Instagram)

ബ്രിട്ടീഷ് വോഗിന് നൽകിയ അഭിമുഖത്തിലാണ് പ്രിയങ്ക മകളെ കുറിച്ച് പറഞ്ഞത്. മകൾക്കൊപ്പമുള്ള പ്രിയങ്കയുടെ ഫോട്ടോഷൂട്ടും മാഗസിനിലുണ്ട്. ആദ്യമായാണ് മകൾക്കൊപ്പം ഒരു മാഗസിനു വേണ്ടി താരത്തിന്റെ ഫോട്ടോഷൂട്ട്.

മാസം തികയാതെയാണ് മകൾ ജനിച്ചത്. അവൾ ജനിക്കുമ്പോൾ താനും നിക്കും ഓപ്പറേഷൻ തിയേറ്ററിൽ ഉണ്ടായിരുന്നു. തീരെ ചെറുതായിരുന്നു അവൾ. തന്റെ കൈയ്യിനേക്കാൾ ചെറുത്. മകളെ ആദ്യമായി കണ്ടതിനെ കുറിച്ച് പ്രിയങ്കയുടെ വാക്കുകൾ. (image: Priyanka Chopra/ instagram)

ഇന്റൻസീവ് കെയർ യൂണിറ്റിൽ മകളെ പരിപാലിച്ച നഴ്സുമാരെ ഞാൻ കണ്ടു. യഥാർത്ഥത്തിൽ അവർ ദൈവത്തിന്റെ പ്രതിരൂപങ്ങളാണ്. ദൈവത്തിന്റെ ജോലിയാണ് അവർ ചെയ്യുന്നത്. ഞാനും നിക്കും അവിടെ തന്നെയുണ്ടായിരുന്നു. മകളെ ഇൻട്യൂബ് ചെയ്യാൻ ആവശ്യമായത് എന്തൊക്കെയാണെന്ന് ആ കുഞ്ഞ് ശരീരത്തിൽ അവർ എങ്ങനെ കണ്ടെത്തി എന്ന് എനിക്കറിയില്ല. അവളെ ജീവനോടെ തിരിച്ചു കിട്ടുമോ എന്നു പോലും എനിക്കറിയില്ലായിരുന്നു. (Image: Priyanka Chopra/Instagram)

ആരോഗ്യപ്രശ്നങ്ങളുള്ളതിനാൽ തനിക്ക് കുഞ്ഞിനെ ഗർഭം ധരിക്കാൻ കഴിയുമായിരുന്നില്ല. ഒരു കുഞ്ഞിനെ കിട്ടാൻ വാടക ഗർഭധാരണമായിരുന്നു വഴി. ആ വഴി തിരഞ്ഞെടുക്കാനുള്ള സാഹചര്യം ഉണ്ടായിരുന്നു എന്നതിൽ താൻ ഭാഗ്യവതിയാണ്. (Image: Priyanka Chopra/Instagram)

വാടക ഗർഭധാരണത്തിന് തയ്യാറായത് വളരെ നല്ല സ്ത്രീയായിരുന്നു. ദയയും സ്നേഹവും തമാശയും പറയുന്ന സ്ത്രീ. ആറ് മാസം ഞങ്ങളുടെ അമൂല്യമായ നിധിയെ അവർ എല്ലാ രീതിയിലും സംരക്ഷിച്ചു. ഗർഭധാരണത്തിന് തയ്യാറായ സ്ത്രീയെ കുറിച്ചുള്ള പ്രിയങ്കയുടെ വാക്കുകൾ ഇങ്ങനെ.(Image: Priyanka Chopra/Instagram)

കഴിഞ്ഞ വർഷം ജനുവരിയിലാണ് നിക്കിനും പ്രിയങ്കയ്ക്കും പെൺകുഞ്ഞ് ജനിച്ചത്. ഇരുവരുടേയും അമ്മമാരുടെ പേരിൽ നിന്നാണ് മകൾക്ക് മാൽതി മേരി എന്ന പേര് നൽകിയത്. ആദ്യാമായാണ് പ്രിയങ്ക വാടക ഗർഭധാരണത്തെ കുറിച്ചും മകളെ കുറിച്ചുമെല്ലാം മനസ്സു തുറക്കുന്നത്.