'സിസ്റ്റർ ലൂസിയ്ക്കൊപ്പം കേരളം മാനന്തവാടിയിലേക്ക്'; ഐക്യദാർഢ്യവുമായി പെൺകുട്ടായ്മ

സന്യാസിനി സഭയിൽനിന്ന് പുറത്താക്കപ്പെട്ട സിസ്റ്റർ ലൂസി കളപ്പുരയ്ക്കു ഐക്യദാർഢ്യവുമായി പെൺകുട്ടായ്മ.

'സിസ്റ്റർ ലൂസിയ്ക്കൊപ്പം കേരളം മാനന്തവാടിയിലേക്ക് എന്ന പേരിൽ വിങ്സ് കേരള എന്ന സംഘടനയാണ് ഐക്യദാർഢ്യ സദസ് സംഘടിപ്പിച്ചത്.

വ്യാഴാഴ്ച വൈകുന്നേരം മാനന്തവാടി ഗാന്ധിപാർക്കിൽ സംഘടിപ്പിച്ച പരിപാടിയിൽ നിരവധി ആളുകൾ പങ്കെടുത്തു.

പരിപാടിയിൽ ഡോ. പി. ഗീത, കുസുമം ജോസഫ്, അഡ്വ. മരിയ, വിജി പെൺകൂട്ട്, വി.പി സുഹറ, സോയ കെ.എം തുടങ്ങിയ പ്രമുഖർ പങ്കെടുത്തു.

സിസ്റ്റർ ലൂസി കളപ്പുരയെ പുറത്താക്കിയ നടപടി സഭയുടെ ആഭ്യന്തര വിഷയമാണെന്നായിരുന്നു സീറോ മലബാർ സഭ സിനഡ് കഴിഞ്ഞ ദിവസം പ്രതികരിച്ചത്.