Samsung Galaxy S24 FE : കാത്തിരിപ്പിന് വിരാമം !! കിടിലൻ ചിപ്പും കൂടെ എഐ ഫീച്ചറുകളും ; സാംസങ് ഗ്യാലക്‌സി എസ്24 എഫ്ഇ എത്തി
- Published by:Sarika N
Last Updated:
പുതിയ സാംസങ് ഗ്യാലക്‌സി എസ്24 എഫ്ഇ ആര്‍ട്ടിഫിഷ്യല്‍ ഇന്‍റലിജന്‍സ് ഫീച്ചറുകള്‍, ശക്തമായ എക്‌സിനോസ് 2400e ചിപ്‌സെറ്റ്, മറ്റ് അപ്‌ഗ്രേഡുകള്‍ എന്നിവയോടെയാണ് വന്നിരിക്കുന്നത്.
മാസങ്ങള്‍ നീണ്ട കാത്തിരിപ്പിനൊടുവില്‍ സാംസങ് 'ഗ്യാലക്‌സി എസ്24 എഫ്ഇ' (Galaxy S24 FE) സ്‌മാര്‍ട്ട്ഫോണ്‍ ഇന്ത്യയില്‍ എത്തി. ചിത്രങ്ങളിലൂടെയും വീഡിയോകളിലൂടെയും ഏറെ ജനശ്രദ്ധ നേടിയ ശേഷമാണ് ഫോൺ വിപണിയിൽ എത്തിയത്. സാംസങ് ഗ്യാലക്‌സി എസ്23 എഫ്ഇ-യുടെ പിൻഗാമിയായിട്ടാണ് ഈ പുതിയ ഫോണിന്റെ വരവ്. 'ഗ്യാലക്‌സി എഐ' സപ്പോര്‍ട്ടാവുന്ന തരത്തില്‍ ശക്തമായ ചിപ്പിലാണ് എസ്24 എഫ്‌ഇയെ സാംസങ് അണിയിച്ചൊരുക്കിയിരിക്കുന്നത് എന്നതാണ് ഏറ്റവും ശ്രദ്ധേയം.
advertisement
പുതിയ സാംസങ് ഗ്യാലക്‌സി എസ്24 എഫ്ഇ ആര്‍ട്ടിഫിഷ്യല്‍ ഇന്‍റലിജന്‍സ് ഫീച്ചറുകള്‍, ശക്തമായ എക്‌സിനോസ് 2400e ചിപ്‌സെറ്റ്, മറ്റ് അപ്‌ഗ്രേഡുകള്‍ എന്നിവയോടെയാണ് വന്നിരിക്കുന്നത്. 6.7 ഇഞ്ച് ഫുള്‍എച്ച്‌ഡി+ഡൈനാമിക് അമോല്‍ഡ് 2എക്‌സ് ഡിസ്‌പ്ലെയാണ് ഫോണിന്റെ ഒരു ആകര്‍ഷണം. 50 എംപി പ്രധാന ക്യാമറയോടെ ട്രിപ്പിള്‍ റിയര്‍ ക്യാമറ സെറ്റപ്പാണ് ഫോണിനുള്ളത്.
advertisement
advertisement
advertisement
8 ജിബി റാമില്‍ 128 ജിബി, 256 ജിബി എന്നിങ്ങനെ 2 സ്റ്റോറേജ് വേരിയന്‍റുകള്‍ ലഭ്യം. ഗ്യാലക്‌സി എസ്24 എഫ്‌ഇയില്‍ 4700 എംഎഎച്ചില്‍ വരുന്ന ബാറ്ററിക്കൊപ്പം 25 വാട്ട്‌സിന്‍റെ ചാര്‍ജിംഗാണ് സജ്ജീകരിച്ചിരിക്കുന്നത്. ഐപി68 റേറ്റിംഗ് സുരക്ഷാ സര്‍ട്ടിഫിക്കറ്റാണ് ഫോണിന് ലഭിച്ചിരിക്കുന്നത്. അഞ്ച് കളര്‍ വേരിയന്‍റുകളിലാണ് ഗ്യാലക്‌സി എസ്24 എഫ്ഇ എത്തിയിരിക്കുന്നത്. ഒക്ടോബര്‍ 3ന് വില്‍പന ആരംഭിക്കും.
