ബ്രേക്ക് നഷ്ടപ്പെട്ടു; കോതമംഗലത്ത് സ്കൂൾ ബസ് അപകടത്തിൽപ്പെട്ടു

കോതമംഗലം: കൊച്ചി ധനുഷ് കോടി ദേശീയപാതയിൽ ആറാം മൈലിനു സമീപം സ്കൂൾ ബസ് അപകടത്തിൽ പെട്ടു .

ഊന്നുകൽ ലിറ്റിൽ ഫ്ലവർ സ്കൂളിന്റെ ബസാണ് അപകടത്തിൽപ്പെട്ടത്. ആളപായമില്ല.

പുലർച്ചെ പഴമ്പിള്ളിച്ചാലിൽ നിന്നും ഊന്നുകല്ലിലെ സ്കൂളിലേക്ക് വരും വഴിയായിരുന്നു അപകടം. 27-ഓളം കുട്ടികൾ ബസിലുണ്ടായിരുന്നതായാണ് പ്രാഥമിക വിവരം.

അപകടത്തിൽപ്പെട്ടവരെ കോതമംഗലം ധർമ്മഗിരിയാശുപത്രിയിൽ പ്രവേശിപ്പിച്ച് പ്രാഥമിക ശുശ്രൂഷകൾക്കു ശേഷം വിട്ടയച്ചു.

വാഹനത്തിന്റെ ബ്രേക്ക് നഷ്ടപ്പെട്ടതാണ് അപകട കാരണമായി കണക്കാക്കുന്നത്.