'ശ്വാസകോശം സ്പോഞ്ച് പോലെയാണ്'; ആ കുട്ടിയുടെ ഇന്നത്തെ ചിത്രങ്ങൾ

സിമ്രാന്‍ നടേക്കര്‍ എന്നു പറഞ്ഞാൽ ചിലപ്പോള്‍ ആളെ മനസ്സിലായെന്ന് വരില്ല. എന്നാല്‍ അവളുടെ കുഞ്ഞുനാളത്തെ മുഖം നമുക്ക് സുപരിചിതമാണ്

ശ്വാസകോശം സ്പോഞ്ച് പോലെയാണെന്ന തിയേറ്ററിലെ പുകവലിവിരുദ്ധ പരസ്യം കണ്ടവരാരും ആ കുഞ്ഞ് മുഖം മറന്നിരിക്കില്ല

സിനിമകള്‍ തുടങ്ങുന്നതിന് മുന്‍പും ഇടവേളയ്ക്ക് ശേഷവും തിയറ്ററുകളില്‍ കാണിച്ചിരുന്ന ആരാണ് സന്തോഷം ആഗ്രഹിക്കാത്തത് എന്ന പുകവലി വിരുദ്ധ പരസ്യത്തിലെ പുകവലിക്കാരനായ അച്ഛനെ സങ്കടത്തോടെ നോക്കുന്ന നിഷ്‌കളങ്കയായ പെണ്‍കുട്ടിയെ അവതരിപ്പിച്ചത് സിമ്രാനായിരുന്നു

അച്ഛനെ മാത്രമല്ല കാണികളെക്കൂടി ഇരുത്തി ചിന്തിപ്പിച്ച ആ പെണ്‍കുട്ടിയാണ് സിമ്രാന്‍ നടേക്കര്‍

45 സെക്കന്‍ഡ് മാത്രം ദൈര്‍ഘ്യമുള്ള പരസ്യത്തിലെ ആ ചെറിയ പെണ്‍കുട്ടി ഇന്ന് വളര്‍ന്ന് വലുതായിരിക്കുന്നു

2008 ലാണ് സിമ്രാനെ ഉള്‍പ്പെടുത്തിയ കേന്ദ്ര ആരോഗ്യ കുടുംബക്ഷേമ മന്ത്രാലയത്തിന്റെ ആദ്യ ബോധവത്കരണ പരസ്യം പുറത്തിറങ്ങിയത്

പുകവലി പരസ്യത്തിൽ മാത്രമല്ല, വീഡിയോകോണ്‍, കെല്ലോഗ്‌സ്, ഡോമിനോസ്, ക്ലിനിക് പ്ലസ്, ബാര്‍ബി തുടങ്ങി നിരവധി പ്രമുഖ ബ്രാന്‍ഡുകളുടെ മോഡലായിട്ടുണ്ട് സിമ്രാന്‍

ഹിന്ദിയിലെ ചില ടിവി പരമ്പരകളിലും അഭിനയിച്ചിട്ടുണ്ട്. ആദിത്യ റോയ് കപൂര്‍ നായകനായ ദാവത്തെ ഇഷ്‌ക് എന്ന ചിത്രത്തിലും സിമ്രാന്‍ വേഷമിട്ടിട്ടുണ്ട്