മനംപോലെ മാംഗല്യം; യുക്രെയ്ൻ സ്വദേശികളായ 72കാരനും 27കാരിക്കും ഹൈന്ദവ ആചാരപ്രകാരം വിവാഹം

Published by:Rajesh V
news18-malayalam

Last Updated:Sep 22, 2025 5:47 PM IST

ജോധ്പൂരിൽ വെച്ച് നടന്ന പരമ്പരാഗത ഹിന്ദു വിവാഹ ചടങ്ങിലൂടെ യുക്രേനിയൻ ദമ്പതികളായ സ്റ്റാനിസ്ലാവ് (72) ഉം അൻഹെലിനയും (27) തങ്ങളുടെ പ്രണയം ആഘോഷമാക്കി. നാല് വർഷത്തെ ലിവിങ്-ഇൻ റിലേഷൻഷിപ്പിന് ശേഷം, തങ്ങളുടെ ബന്ധം ഔദ്യോഗികമാക്കുന്നതിനായി ജയ്‌പൂരിനും ഉദയ്പൂരിനും പകരം അവർ ജോധ്പൂർ തിരഞ്ഞെടുത്തു

ജോധ്പൂർ: കൊട്ടാരങ്ങൾക്കും സംസ്കാരത്തിനും പേരുകേട്ടതും വിവാഹങ്ങൾക്ക് അനുയോജ്യമായ സ്ഥലവുമാണ് ജോധ്പൂർ. പാരമ്പര്യവും പ്രൗഢിയും സമന്വയിക്കുന്ന ഇവിടുത്തെ വിവാഹങ്ങളിൽ അടുത്തിടെ നടന്ന ഒരു വിവാഹം ശ്രദ്ധേയമായി. ഹിന്ദു ആചാരപ്രകാരം യുക്രേനിയൻ സ്വദേശികളായ യുവതിയും 72കാരനും വിവാഹിതരാകുന്ന വീഡിയോ ഇന്റർനെറ്റിൽ വൈറലായിരിക്കുകയാണ്. എൻഡിടിവി രാജസ്ഥാൻ റിപ്പോർട്ട് അനുസരിച്ച്, നാല് വർഷത്തെ ലിവിങ്-ഇൻ റിലേഷൻഷിപ്പിന് ശേഷമാണ് സ്റ്റാനിസ്ലാവും (72), അൻഹെലിനയും (27) പരമ്പരാഗത ആചാരങ്ങളിലൂടെ ഒന്നിക്കാൻ തീരുമാനിച്ചത്. ജയ്‌പൂരും ഉദയ്പൂരും പരിഗണിച്ചിരുന്നെങ്കിലും, ഒടുവിൽ അവർ വിവാഹത്തിനായി ജോധ്പൂർ തിരഞ്ഞെടുക്കുകയായിരുന്നു.

വീഡിയോയിൽ, വരൻ ഷെർവാണിയും തലപ്പാവും ധരിച്ചപ്പോൾ, വധു പരമ്പരാഗത മർവാരി വസ്ത്രമാണ് തിരഞ്ഞെടുത്തത്. സുഹൃത്തുക്കളും നാട്ടുകാരും പങ്കെടുത്ത വിവാഹ ചടങ്ങുകൾ ഒരു ഹോട്ടലിൽ വെച്ചാണ് നടന്നത്. റിപ്പോർട്ടുകൾ പ്രകാരം, രാവിലെ നടന്ന ഹൽദി ചടങ്ങോടെയാണ് വിവാഹച്ചടങ്ങുകൾ ആരംഭിച്ചത്, തുടർന്ന് വൈകുന്നേരം വിവാഹ ഘോഷയാത്രയും നടന്നു. വിവാഹത്തിന്റെ ഏഴ് പ്രതിജ്ഞകളടക്കമുള്ള ചടങ്ങുകൾ ഒരു ഹൈന്ദവ പുരോഹിതന്റെ നേതൃത്വത്തിലാണ് നടന്നത്.

ഈ വിവാഹം ഓൺലൈനിൽ വലിയ ചർച്ചകൾക്ക് വഴിതെളിയിച്ചു, ആളുകൾ ദമ്പതികളെക്കുറിച്ച് അറിയാൻ ആകാംക്ഷ പ്രകടിപ്പിച്ചു. ചിലർ ഹിന്ദു ആചാരങ്ങൾ തിരഞ്ഞെടുത്തതിന് അവരെ അഭിനന്ദിച്ചപ്പോൾ, മറ്റ് ചിലർ എന്തിനാണ് ഒരു ഇന്ത്യൻ ശൈലിയിലുള്ള ചടങ്ങ് തിരഞ്ഞെടുത്തതെന്ന് ചോദിച്ചു. 72-കാരനായ വരനും 27-കാരിയായ വധുവും തമ്മിലുള്ള പ്രായവ്യത്യാസവും ചർച്ചകൾക്ക് വിഷയമായി. ചില ആളുകൾ അത്ഭുതം പ്രകടിപ്പിച്ചപ്പോൾ, സ്നേഹത്തിന് പ്രായം ഒരു വിഷയമല്ലെന്ന് പറഞ്ഞുകൊണ്ട് ഈ ബന്ധത്തെ ആഘോഷിക്കാനുള്ള അവരുടെ തീരുമാനത്തെ മറ്റ് ചിലർ അഭിനന്ദിച്ചു.

Summary: A 72-year-old Ukrainian man, Stanislav, and his 27-year-old partner, Anhelina, celebrated their four-year relationship by getting married in a traditional Hindu ceremony in Jodhpur. They chose the city over Jaipur and Udaipur for their wedding, which included Haldi rituals, a procession, and traditional vows. The couple's significant age gap and their embrace of Indian culture have sparked widespread interest and discussion online.