കൊറോണ വൈറസ് എട്ട് വർഷങ്ങൾക്ക് മുമ്പ് പ്രവചിക്കപ്പെട്ടിട്ടുണ്ട്; അത്ഭുതകരമായ പ്രവചനം റീപോസ്റ്റ് ചെയ്ത് ട്വിറ്റർ ഉപയോക്താവ്

കോവിഡ് 19 എന്ന മഹാമാരി ജന ജീവിതത്തെ അക്ഷരാർത്ഥത്തിൽ മാറ്റി മറിച്ചിട്ട് ഒന്നര വർഷം കഴിഞ്ഞിരിക്കുന്നു. കൊറോണ വൈറസ്, ഹാൻഡ് സാനിറ്റൈസറുകൾ, രോഗവ്യാപനം, വാക്സിനേഷൻ, കോവിഡ് 19, സാർസ് വൈറസ്, ഹോട്ട്സ്പോട്ട് തുടങ്ങിയ വാക്കുകളൊക്കെ നമ്മുടെ നിഘണ്ടുവിൽ സർവസാധാരണമായി മാറിയിട്ടുണ്ട്. കോവിഡ് വ്യാപനത്തിന്റെ അതിരൂക്ഷമായ രണ്ടാം തരംഗത്തിലൂടെയാണ് ഇന്ത്യ കടന്നുപോയിക്കൊണ്ടിരിക്കുന്നത്. ദിവസേന റിപ്പോർട്ട് ചെയ്യുന്ന കോവിഡ് കേസുകളുടെ എണ്ണത്തിന്റെ കാര്യത്തിൽ ഇന്ത്യ മറ്റു ലോക രാജ്യങ്ങളെയൊക്കെ കടത്തിവെട്ടിയിരിക്കുകയാണ്. അഭൂതപൂർവമായ പ്രതിസന്ധിയെന്ന് പൊതുവെ എല്ലാവരും വിശേഷിപ്പിക്കുകയും ആ രീതിയിൽ തന്നെ ലോകജനതഅനുഭവിക്കുകയുംചെയ്യുന്ന ഈ രോഗത്തിന്റെ വരവ് മുമ്പേ പ്രവചിക്കാൻ കഴിഞ്ഞിരുന്നെങ്കിൽ എന്ന് ചിലപ്പോഴെങ്കിലും നമ്മൾ ആഗ്രഹിച്ചിട്ടുണ്ട് അല്ലേ? എന്നാൽ അത്തരമൊരു പ്രവചനം യഥാർത്ഥത്തിൽ നടന്നിട്ടുണ്ടെങ്കിലോ?