വിമാനത്തിലിരുന്ന് ദൃശ്യം 2 കണ്ടെന്ന് എ.പി. അബ്ദുള്ളക്കുട്ടി; വ്യാജപതിപ്പെന്ന് ആരോപണം; അല്ലെന്ന് മറുപടി

വിമാന യാത്രക്കിടെ ദൃശ്യം 2 കണ്ടുവെന്ന് സമൂഹമാധ്യമങ്ങളിൽ കുറിപ്പിട്ട ബിജെപി നേതാവ് എ പി അബ്ദുള്ളക്കുട്ടിക്കെതിരെ വിമർശനം. ടെലഗ്രാമിൽ നിന്ന് ഡൗൺലോഡ് ചെയ്ത വ്യാജപതിപ്പാകാം അദ്ദേഹം കണ്ടതെന്നാണ് ആരോപണം. കോഴിക്കോട് നിന്നും ഡൽഹിയിലേക്കുള്ള വിമാന യാത്രക്കിടെ സിനിമ കണ്ടുവെന്നാണ് അബ്ദുള്ളക്കുട്ടി പോസ്റ്റിട്ടത്. സിനിമ കണ്ടശേഷം ജീത്തു ജോസഫിനെ അഭിനന്ദിച്ച് ഫേസ്ബുക്കിൽ അബ്ദുള്ളക്കുട്ടി കുറിപ്പ് പങ്കുവച്ചിരുന്നു. ഇതിന്റെ കമന്റ് ബോക്സിലാണ് ആളുകൾ വ്യാജപതിപ്പാണോ കണ്ടതെന്ന വിമർശനവുമായി എത്തിയത്.