സോഷ്യല്‍ മീഡിയ എന്നാ സുമ്മാവാ! 21 വർഷം മുൻപുള്ള ചോറൂണിന്റെ ചിത്രം; ആളെ കണ്ടെത്താൻ വേണ്ടിവന്നത് ഒറ്റരാത്രി

ഒരു ഇരുപത്തിഒന്ന് വർഷം പിന്നോട്ട് പൊയ്ക്കോട്ടേ… ഗുരുവായൂരപ്പന്റെ തിരുനട..ആ തിരുമുൻപിൽ ഒരുപാട് കുഞ്ഞ് മക്കൾ ആദ്യ ചോറൂണിനായി കാത്തു നിൽക്കുന്നു..ആ ചിത്രങ്ങൾ എന്നും ഓർമയാക്കാൻ ചുറ്റും കുറച്ചു ക്യാമറകളും.. അന്ന് ക്യാമറ എന്ന വസ്തു സ്വന്തമായി ഉള്ളത് വലിയ ഒരു കാര്യമാണ്..ഗുരുവായൂരപ്പന്റെ മുന്നിൽ വെച്ചു സ്വന്തം മക്കളുടെ ചോറൂണ് ക്യാമറയിൽ പകർത്താൻ എല്ലാരും തിരക്കു കൂട്ടുന്നു.. അതിനിടയിൽ ഓമനത്തമുള്ള കുഞ്ഞ് ഇരട്ട കുട്ടികളെയും ചേർത്ത് പിടിച്ചു ഒരു അമ്മയും അച്ഛനും…പക്ഷെ ആ സന്തോഷമുള്ള നേരത്തും ഒരു ചെറിയ വിഷമം ഉണ്ട്‌ അവരുടെ മുഖത്ത്..തന്റെ മക്കളുടെ ഈ സൗഭാഗ്യം എന്നും കണ്ടു സന്തോഷിക്കാൻ ഒരു ചിത്രം എടുക്കാൻ കഴിഞ്ഞെങ്കിൽ…..അതിനായി ഒരു ക്യാമറ അവരുടെ കൈവശം ഇല്ല..