വെള്ളപ്പൊക്കത്തിൽ 15 ദിവസം പ്രായമുള്ള കുഞ്ഞിനെ കൈയിലേന്തി നീന്തി യുവാവ്; സാഹസികമായ രക്ഷപ്പെടൽ

ബംഗളൂരു: ബാഹുബലി സിനിമയിൽ മനസിനെ വല്ലാതെ ആകർഷിച്ച രംഗമാണ് ശിവകാമി കുഞ്ഞു ബാഹുബലിയെ വെള്ളത്തിൽ ഉയർത്തുന്ന രംഗം. വെള്ളപ്പൊക്കത്തിൽ ബംഗളൂരു പകച്ചു നിന്നപ്പോൾ അത്തരമൊരു രംഗം സോഷ്യൽ മീഡിയയിൽ വൈറലാകുകയാണ്. വെറും 15 ദിവസം മാത്രം പ്രായമുള്ള കുഞ്ഞിനെ ഉയർത്തിപ്പിടിച്ച് വെള്ളപ്പൊക്കത്തിലൂടെ നടന്നുപോകുന്ന യുവാവാണ് ഇപ്പോൾ താരമായിരിക്കുന്നത്. വെള്ളിയാഴ്ച ഉണ്ടായ കനത്ത മഴയും വെള്ളപ്പൊക്കവും ബംഗളൂരുവിനെ ബുദ്ധിമുട്ടിലേക്കും പ്രയാസത്തിലേക്കും കടത്തിവിട്ടപ്പോൾ കുഞ്ഞിനെ രക്ഷപ്പെടുത്തുന്നതിന്റെ വീഡിയോയും ചിത്രങ്ങളും മനസിന് നൽകുന്ന ആനന്ദം വളരെ വലുതാണ്.