കടയിലെ കവർച്ചാ ശ്രമത്തിനിടയിലും സുഖമായി ഉറങ്ങുന്ന വളർത്തു നായ; ഇന്റർനെറ്റിൽ ചർച്ചയായി വീഡിയോ

മനുഷ്യരോട് ഏറെ അടുപ്പം പുലർത്തുന്നവയാണ് വളർത്തു നായ്ക്കൾ. മക്കളെ പോലെയും കൂട്ടുകാരെ പോലെയും എല്ലാം വളർത്തു നായകളെ പലരും സ്നേഹിക്കുകയും ചെയ്യുന്നു. ഇതൊക്കെ ആണെങ്കിലും സുരക്ഷ കൂടി ഉദ്ദേശിച്ചാണ് മഹാ ഭൂരിപക്ഷം ആളുകളും നായ്ക്കളെ വളർത്തുന്നത്. ഫാമിലെ കന്നുകാലികളെ സംരക്ഷണത്തിനും സുരക്ഷാ സേനകൾ എതിരാളികളെ കണ്ടെത്താനുമെല്ലാം നായ്ക്കളെ ഉപയോഗിക്കുന്നു. യജമാൻമാരോടുള്ള ഇവരുടെ സ്നേഹവും വാർത്ത ആകാറുണ്ട്. അപകടങ്ങളിൽ നിന്നും മറ്റും വളർത്തു നായ്ക്കൾ തങ്ങളുടെ യജമാനൻമാരെ രക്ഷിച്ച എത്രയോ കഥകൾ നാം കേട്ടിരിക്കുന്നു. എന്നാൽ തായ്ലാൻഡിൽ നിന്നുള്ള സൈബീരിയൻ ഹസ്ക്കി ഇനത്തിൽ പെട്ട വളർത്തു നായ തീർത്തും വ്യത്യസ്തമായ കാരണം കൊണ്ടാണ് വാർത്തകളിൽ നിറയുന്നത്.