'മൃഗയോഗ',ഫിറ്റ്നസിനായി യോഗ ചെയ്ത് ഹൂസ്റ്റണ്‍ മ‍ൃഗശാലയിലെ ആനകള്‍

മൃഗയോഗ എന്ന് കേട്ടിട്ടുണ്ടോ, അല്ലെങ്കിൽ യോഗ ചെയ്യുന്ന ആനകളെ കണ്ടിട്ടുണ്ടോ ? അരിക്കൊമ്പനോ ചക്കകൊമ്പനോ അല്ല, ഹൂസ്റ്റണ്‍ മൃഗശാലയിലെ ആനകളാണ് മ്യഗ യോഗ പരിശീലിക്കുന്നത്.  ഏഷ്യന്‍ വന്‍കരയില്‍ മാത്രം കാണപ്പെടുന്ന ഏഷ്യന്‍ ആനകളില്‍ മൂന്നെണ്ണം ഇന്ന് ഹൂസ്റ്റണ്‍ മൃഗശാലയിലാണ്. ഇവയുടെ ആരോഗ്യ സംരക്ഷണത്തിന് മൃഗശാല കണ്ടെത്തിയ ഒരു ഉപായമാണ് യോഗ. സാധാരണ യോഗയല്ല, മൃഗയോഗ.  ആനകള്‍ യോഗ ചെയ്യുന്നത് അവയുടെ പതിവ് ആരോഗ്യ പരിശോധനകളുടെ ഭാഗമായിട്ടാണെന്നും ഇത് മൃഗങ്ങളുടെ ആരോഗ്യത്തെ കുറിച്ച് ആഴത്തില്‍ മനസിലാക്കാന്‍ സംരക്ഷകരെ അനുവദിക്കുന്നുവെന്നും ദ ഹ്യൂസ്റ്റൺ ക്രോണിക്കിൾ റിപ്പോർട്ട് ചെയ്യുന്നു.