ബിസ്ക്കറ്റ് പാക്കറ്റിൽ ഒരെണ്ണം കുറവ്; ഉപഭോക്താവിന് ഒരുലക്ഷം രൂപ നഷ്ടപരിഹാരം നൽകാൻ ഉത്തരവ്

ബിസ്ക്കറ്റ് പാക്കറ്റിന് പുറത്ത് നിർദേശിച്ചിരുന്ന എണ്ണത്തിൽ ഒരെണ്ണം കുറഞ്ഞതിന് ഉപഭോക്താവിന് ഒരുലക്ഷം രൂപ നഷ്ടപരിഹാരം നൽകാൻ ഉത്തരവ്. ഐടിസിയുടെ സൺഫീസ്റ്റ് മാരി ഗോൾഡ് ബ്രാൻഡിലുള്ള ബിസ്ക്കറ്റ് വാങ്ങിയ ഉപഭോക്താവിനാണ് കമ്പനി ഒരുലക്ഷം രൂപ നഷ്ടപരിഹാരം നൽകേണ്ടത്. പാക്കറ്റിനുള്ളിൽ 16 ബിസ്ക്കറ്റുകളുണ്ടാകുമെന്ന് പുറത്ത് രേഖപ്പെടുത്തിയിരുന്നു. എന്നാൽ പാക്കറ്റ് പൊട്ടിച്ചുനോക്കിയപ്പോൾ 15 ബിസ്ക്കറ്റുകൾ മാത്രമാണ് ഉണ്ടായിരുന്നത്.