അർദ്ധരാത്രി വരെ ഓഫീസ് ജോലികളുടെ തിരക്ക്; മേയർ പുലർച്ചെ കുഞ്ഞിന് ജന്മം നൽകി
- Published by:Asha Sulfiker
- news18-malayalam
Last Updated:
അടിയന്തിരഘട്ടത്തിൽ പോലും ലീവെടുക്കാതെ വിട്ടുവീഴ്ചയില്ലാതെ കൃത്യനിർവഹണം നടത്തിയ മേയറെ അഭിനന്ദിച്ചു കൊണ്ടാണ് പലരുടെയും ആശംസകൾ.
ജയ്പൂർ: അർദ്ധരാത്രി വരെ ഓഫീസ് ജോലികളിലെ തിരക്കിലായിരുന്ന മേയർ പുലർച്ചയോടെ ഒരു കുഞ്ഞിന് ജന്മം നൽകി. വിശ്രമം വേണ്ട സമയത്ത് പോലും അത് വകവയ്ക്കാതെ ജോലിത്തിരക്കുകളിൽ മുഴുകിയത് ജയ്പുർ നഗർ നിഗം (ഗ്രേറ്റർ) മേയർ ഡോ.സോമ്യ ഗുജാർ ആണ്. 'ജോലിയാണ് ആരാധന'എന്ന് വിശേഷിപ്പിച്ച് തന്‍റെ പ്രസവ വിവരവും മേയർ തന്നെയാണ് പങ്കുവച്ചത്. ട്വിറ്ററിൽ പങ്കുവച്ച പോസ്റ്റ് ഇതിനോടകം വൈറലാവുകയും ചെയ്തു.
ബുധനാഴ്ച രാത്രി ഏറെ വൈകിയും ഓഫീസ് ജോലികളുടെ തിരക്കിലിരുന്ന സോമ്യ, വ്യാഴാഴ്ച പുലര്‍ച്ചെയാണ് ഒരു കുഞ്ഞിന് ജന്മം നൽകുന്നത്. ജോലികൾ പൂർത്തിയാക്കി രാത്രി പന്ത്രണ്ടരയോടെ ആശുപത്രിയിൽ അഡ്മിറ്റായ ഇവർ പുലർച്ചെ 5.14നാണ് ഒരു ആൺകുഞ്ഞിന് ജന്മം നല്‍കിയത്.
advertisement
'ജോലിയാണ് ആരാധന. ഓഫീസില്‍ അർദ്ധരാത്രി വരെ ഒരു മീറ്റിംഗിൽ പങ്കെടുത്തിരുന്നു. അതിനുശേഷം പന്ത്രണ്ടരയോടെ കൊക്കൂൺ ഹോസ്പിറ്റലിൽ അഡ്മിറ്റായി. ദൈവാനുഗ്രഹത്തിൽ 5.14ന് ഒരു ആൺകുഞ്ഞിന് ജന്മം നൽകി.കുഞ്ഞും ഞാനും സുഖമായിരിക്കുന്നു'. പ്രസവവിവരം അറിയിച്ച് മേയർ ട്വിറ്ററിൽ കുറിച്ചു.
Work is Worship!
देर रात तक निगम ऑफिस में मीटिंग ली, प्रसव पीड़ा शुरू होने पर रात्रि 12:30 बजे कुकुन हॉस्पिटल में भर्ती हुई और सुबह 5.14 पर परमपिता परमेश्वर की कृपा से पुत्र को जन्म दिया।
मैं और बच्चा दोनों स्वस्थ हैं। pic.twitter.com/nMULHwNGWn
— Dr Somya Gurjar (@drsomyagurjar) February 11, 2021
advertisement
നിരവധി ആളുകളാണ് ഈ പോസ്റ്റിന് താഴെ ആശംസകളുമായെത്തിയത്.
Congratulations Mayor https://t.co/0ugUyP2STe are really a source of inspiration for Hard working.i hats off to your dedication towards your duty.
— harisingh dausa (@harisingh_dausa) February 11, 2021
Aur 8am par tweet bhi kar diya....... Kudos to you Dr Somya.
God bless you and new born, stay strong stay happy healthy always.🙏
— Mera Desh (@manojtushi) February 11, 2021
advertisement
അടിയന്തിരഘട്ടത്തിൽ പോലും ലീവെടുക്കാതെ വിട്ടുവീഴ്ചയില്ലാതെ കൃത്യനിർവഹണം നടത്തിയ മേയറെ അഭിനന്ദിച്ചു കൊണ്ടാണ് പലരുടെയും ആശംസകൾ.
നിങ്ങളുടെ പ്രിയപ്പെട്ട സെലിബ്രിറ്റികളുടെ ഏറ്റവും ട്രെൻഡിങ് ന്യൂസ് വൈറൽ വീഡിയോ രസകരമായ വിശേഷങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
February 13, 2021 8:06 AM IST
മലയാളം വാർത്തകൾ/ വാർത്ത/Buzz/
അർദ്ധരാത്രി വരെ ഓഫീസ് ജോലികളുടെ തിരക്ക്; മേയർ പുലർച്ചെ കുഞ്ഞിന് ജന്മം നൽകി
