Fact Check| വാട്സാപ്പിൽ സൈബർ അറ്റാക്ക് ഉണ്ടാകുമോ?; ഗ്രൂപ്പുകള്‍ അഡ്മിൻ ഒൺലിയാക്കണോ?; കേരള പൊലീസ് പറയുന്നത്

വ്യാജ മുന്നറിയിപ്പ് സന്ദേശങ്ങൾക്ക് നാട്ടിൽ പഞ്ഞമില്ലാത്ത കാലമാണ്. സോഷ്യൽ മീഡിയയുടെ കാര്യമാണെങ്കില്‍ പറയുകയും വേണ്ട. ഒരന്തവും കുന്തവുമില്ലാതെ വ്യാജ മുന്നറിയിപ്പുകൾ കറങ്ങി നടക്കാറുണ്ട്. സോഷ്യൽ മീഡിയയിൽ വീണുകിട്ടുന്ന ഇത്തരം പല സന്ദേശങ്ങളും വിശ്വസിക്കുന്നതുകൊണ്ടാണല്ലോ പലരും മറ്റു ഗ്രൂപ്പുകളിലേക്ക് ഇവ ഫോർവേഡ് ചെയ്യുന്നത്. മാരകമായ കിരണങ്ങൾ പതിക്കാൻ സാധ്യതയുള്ളതിനാൽ ഇന്ന് അർധരാത്രി 12 മണിക്ക് മൊബൈൽ ഫോൺ ഓഫ് ചെയ്ത് വയ്ക്കുക എന്നതടക്കം നിരവധി തട്ടിപ്പ് സന്ദേശങ്ങളാണ് സോഷ്യൽ മീഡിയയിൽ കറങ്ങി നടക്കുന്നത്.