Earth | ഭൂമിയുടെ കേന്ദ്രത്തോട് ചേർന്ന് കൂറ്റൻ സമുദ്രം; പഠന റിപ്പോർട്ട് പുറത്തുവിട്ട് ഗവേഷണ സംഘം

ഭൂമിയുടെ മൂന്നിൽ ഒരു ഭാഗം വെള്ളത്താൽ ചുറ്റപ്പെട്ടതാണെന്ന് തെളിയിക്കപ്പെട്ടിട്ടുള്ളതാണ്. മറ്റ് ചില ഗ്രഹങ്ങളുമായി താരതമ്യപ്പെടുത്തുമ്പോൾ ഭൂമിയൊന്നാകെ വെള്ളത്തിൽ മുങ്ങിപോയതുപോലെ നമുക്ക് പലപ്പോഴും തോന്നാം. ഉദാഹരണത്തിന് ബഹിരാകാശത്ത് നിന്ന് വീക്ഷിക്കുമ്പോൾ തന്നെ നമ്മുടെ ഗ്രഹം മറ്റേതൊരു ഗ്രഹത്തെക്കാളും കൂടുതൽ നീല നിറത്തിലാണ് കാണപ്പെടുക. മറ്റു ഗ്രഹങ്ങളുമായി താരതമ്യപ്പെടുത്തുകയാണെങ്കിൽ ഭൂമിയുടെ ഉപരിതലത്തിന്റെ 71 ശതമാനവും വെള്ളത്താൽ പൊതിഞ്ഞതാണ്. ജലത്തിന്റെ അംശം കണ്ടെത്തിയ എല്ലായിടത്തും തന്നെ ജീവന്റെ സാന്നിധ്യം ഉണ്ടായിരുന്നു. ഭൂമിയിൽ ജലത്തിന്റെ പ്രാധാന്യത്തെ ഒരു പുതിയ തലത്തിലേക്ക് എത്തിക്കുകയാണ് പുതിയൊരു പഠനം. ഭൂമിയുടെ ഉൾഭാഗങ്ങളിൽ സമുദ്ര സമാനമായ ഒരു ജലചക്രം ഉള്ളതായി ഈ പഠനത്തിൽ കണ്ടെത്തിയിട്ടുണ്ട്. ജർമ്മനിയിലെ ഫ്രാങ്ക്ഫർട്ട് ഗോഥെ സർവകലാശാലയിലെ ഇൻസ്റ്റിറ്റ്യൂട്ട് ഫോർ ജിയോസയൻസസിലെ ശാസ്ത്രജ്ഞരുടെ സംഘമാണ് പഠനം നടത്തിയത്.