'ഇവിടുത്തെ ഈ കുത്തിതിരിപ്പും കുണ്ടും കുഴിയും എനിക്ക് ഭയങ്കര ഇഷ്ടമാണ്' ; കേരളത്തെ കുറിച്ച് നവ്യാ നായര്‍

കേരളത്തിലെ കുത്തിതിരിപ്പും കുണ്ടും കുഴിയും തനിക്ക് ഭയങ്കര ഇഷ്ടമാണെന്ന് നടി നവ്യ നായര്‍. നവ്യ അഭിനയിച്ച പട്ടണത്തില്‍ സുന്ദരന്‍ എന്ന സിനിമയില്‍ ദിലീപ് പറയുന്നത് പോലെ ‘ഇവിടുത്തെ ഈ കുത്തിതിരിപ്പും കുണ്ടും കുഴിയും എനിക്ക് ഭയങ്കര ഇഷ്ടമാണ്’ എന്നായിരുന്നു നടിയുടെ പ്രതികരണം.  കേരളത്തിലെ ട്രാഫിക്, കേരളത്തിലെ വൃത്തിയില്ലായ്മയും കൊതുകു കടിയുമെല്ലാം തനിക്കൊരു വികാരമാണെന്നും എല്ലാവര്‍ക്കും അങ്ങനെയാണോ എന്നറിയില്ലെന്നും നടി അടുത്തിടെ ഒരു ഓണ്‍ലൈന്‍ മാധ്യമത്തിന് നല്‍കിയ അഭിമുഖത്തില്‍ പറഞ്ഞു.