അച്ഛന്റെ കാർ വൃത്തിയാക്കവെ അപ്രതീക്ഷിതമായി പൊതി കണ്ടെത്തി 9 വയസുകാരൻ; അകത്തുണ്ടായിരുന്നത് 3.6 ലക്ഷം രൂപ

"അവന് ഒമ്പത് വയസ് പ്രായമല്ലേ ഉള്ളൂ, അവനെന്ത് കളഞ്ഞു കിട്ടാനാണ് എന്ന ചിന്തയായിരുന്നു എനിക്ക്. അതുകൊണ്ട് പൊതിയെക്കുറിച്ച് അവൻ പറഞ്ഞപ്പോഴും അത് കാര്യമാക്കാതെ ഞാൻ നടന്നുപോയി. എന്തെങ്കിലും കടലാസുകളാകും അതിനകത്ത് എന്നേ ഞാൻ കരുതിയുള്ളൂ", ലാൻഡന്റെ അച്ഛൻ മൈക്കിൾ പറഞ്ഞു. പക്ഷെ, ആ പൊതിയ്ക്കുള്ളിൽ എന്താണെന്ന് പിന്നീട് ശരിക്കും കണ്ടപ്പോൾ മൈക്കിളും അത്ഭുത പരതന്ത്രനായിപ്പോയി. "ഞാൻ മകനെ ഒന്ന് നോക്കി, എന്നിട്ട് അകത്തേക്ക് ഓടി. ഞാൻ എന്റെ ഭാര്യയെ അലറി വിളിച്ചു. എന്നിട്ട് ആ പൊതി കിടക്കയിലേക്ക് ഇടുമ്പോഴേക്കും അതിൽ നിന്ന് പണം താഴേക്ക് വീഴാൻ തുടങ്ങി", മൈക്കിൾ പറഞ്ഞു.

ഒടുവിൽ മൈക്കിൾ ആ പണം അതിന്റെ യഥാർത്ഥ ഉടമസ്ഥർക്ക് തിരികെ നൽകാൻ തീരുമാനിച്ചു. എന്നാൽ, ലാൻഡന്റെ സത്യസന്ധതയ്ക്കുള്ള പ്രതിഫലം എന്ന നിലയിൽ 1000 ഡോളർ അവൻ സ്വീകരിച്ചാലേ ആ തുക തിരികെ വാങ്ങൂ എന്നതായിരുന്നു അവരുടെ നിബന്ധന! ഇപ്പോൾ തനിക്ക് ലഭിച്ച ആയിരം ഡോളർ കൊണ്ട് എന്തൊക്കെ വാങ്ങണമെന്ന് കണക്കു കൂട്ടുകയാണ് ലാൻഡൻ. അതിനിടയിൽ അച്ഛൻ മൈക്കിൾ ഓരോ ഫ്ലോർമാറ്റുകളും പരിശോധിക്കാനുള്ള തയ്യാറെടുപ്പിലാണ്. ഇനിയും ഇതുപോലുള്ള അപ്രതീക്ഷിത സമ്മാനങ്ങൾ ലഭിക്കില്ലെന്ന് ആര് കണ്ടു!