Viral video | യാത്രയയപ്പ് ചടങ്ങിൽ നിത്യഹരിത ഗാനത്തിനൊപ്പം ചുവടുവെച്ച് കന്യാസ്ത്രീ

കോട്ടയം: യാത്രയയപ്പ് ചടങ്ങിൽ നിത്യഹരിത ഗാനത്തിനൊപ്പം ചുവടുവെച്ച കന്യാസ്ത്രീയുടെ വീഡിയോ വൈറൽ. യാത്രയയപ്പ് ചടങ്ങുകളിൽ നാം സ്ഥിരം കണ്ട് ശീലിച്ചിട്ടുള്ള വൈകാരിക പ്രസംഗൾക്കും കലാപരിപാടികൾ നടത്തി അവരെ യാത്രയാക്കുന്നതിൽ നിന്നുമെല്ലാം വ്യത്യസ്തമായിരുന്നു കോട്ടയത്തെ സെന്റ് മെര്‍സലിനാസ് സ്കൂളിലെ പ്രധാനാധ്യാപികയുടെ യാത്രയയപ്പ് ചടങ്ങ് സാക്ഷ്യം വഹിച്ചത്. സ്കൂളിൽ നിന്നും പിരിഞ്ഞു പോവുകയായിരുന്ന പ്രധാനാധ്യാപികയായ സിസ്റ്റർ ലിറ്റിൽ തെരേസ് പഴയ മലയാളം ഗാനത്തിനൊത്ത് ചുവടുവെക്കുകയായിരുന്നു. തിരുവസ്ത്രവും ശിരോവസ്ത്രവും ധരിച്ചുകൊണ്ട് തെരേസ് ചെയ്ത നൃത്തമാണ് വൈറലായത്. സമൂഹ മാധ്യമങ്ങളിൽ വീഡിയോ തരംഗമായതോടെ ഒരു ചെറിയ താരമായിരിക്കുകയാണ് സിസ്റ്റർ.