യൂണിഫോമിലെ മോഷണം; മുട്ട മോഷ്ടിച്ച ഹെഡ് കോൺസ്റ്റബിളിന് സസ്പെൻഷൻ

ഛണ്ഡിഗഡ്: റോഡരികിൽ നിർത്തിയിട്ടിരുന്ന വണ്ടിയിൽ നിന്ന് മുട്ട മോഷ്ടിച്ച ഹെഡ് കോൺസ്റ്റബിളിന് സസ്പെൻഷൻ. നിറയെ മുട്ടയുമായി റോഡരികിൽ നിർത്തിയിട്ടിരുന്ന ഉന്തുവണ്ടിയിൽ നിന്നാണ് ഹെഡ് കോൺസ്റ്റബിൾ തന്ത്രപരമായി ആരും കാണാതെ, മുട്ട മോഷ്ടിച്ചത്. എന്നാൽ, ഹെഡ് കോൺസ്റ്റബിളിന്റെയും കണ്ണ് വെട്ടിച്ച് സമീപത്തു നിന്ന ഒരാൾ ഈ ദൃശ്യങ്ങളെല്ലാം പകർത്തുന്നുണ്ടായിരുന്നു. ഈ ദൃശ്യങ്ങളാണ് സോഷ്യൽ മീഡിയയിൽ വൈറലായത്.