​'ഗണേഷ് കുമാറിനൊപ്പം ഇരിക്കാനുള്ള യോ​ഗ്യതയില്ലെന്ന് പറഞ്ഞ് ഒഴിവാക്കി': ദുരനുഭവം പങ്കുവച്ച് അമൃത നായർ

സ്വന്തം നാട്ടിലുണ്ടായ പരിപാടിയിൽ തനിക്കുണ്ടായ ദുരനുഭവം പങ്കുവച്ച് നടിയും സോഷ്യൽ മീഡിയ ഇൻഫ്ലുവൻസറുമായ അമൃത നായർ. മന്ത്രി ​ഗണേഷ് കുമാറിനൊപ്പം ഇരിക്കാൻ യോഗ്യതയില്ലെന്നു പറഞ്ഞ് ഒഴിവാക്കിയെന്നാണ് അമൃത പറയുന്നത്. സ്വന്തം നാട്ടിൽ പോലും പരിഗണിക്കപെടാനുള്ള ഭാഗ്യം നിഷേധിച്ച ആ നല്ല മനസ്സുകൾ ആരൊക്കെയാണെന്നും അറിയാൻ സാധിച്ചതിൽ ഒരുപാട് സന്തോഷമുണ്ടെന്നും അമൃത കൂട്ടിച്ചേർത്തു. അമൃത പഠിച്ച സ്കൂളിന്റെ ശതാബ്തി ആഘോഷത്തിനിടെയാണ് സംഭവം.  താരത്തിന്റെയും മന്ത്രിയുടെയും ചിത്രമുള്ള പരിപാടിയുടെ നോട്ടീസ് പങ്കുവച്ച് കൊണ്ടാണ്  ഇൻസ്റ്റാഗ്രാമിൽ  താരം ദുരനുഭവം വെളിപ്പെടുത്തിയത്.