അമ്മയുടെ പേര് 'സണ്ണി ലിയോണി', അച്ഛൻ 'ഇമ്രാൻ ഹാഷ്മി'; അഡ്മിറ്റ് കാർഡിൽ വിദ്യാർത്ഥി നൽകിയത് ഇങ്ങനെ

ബിഹാറിലെ ധൻരാജ് മാതോ ഡിഗ്രി കോളേജിലെ വിദ്യാർത്ഥിയാണ് അഡ്മിറ്റ് കാർഡിൽ താരങ്ങളുടെ പേര് നൽകിയത്. കാർഡിൽ അച്ഛന്റെ പേര് നൽകേണ്ട കോളത്തിൽ ഇമ്രാൻ ഹാഷ്മിയെന്നും അമ്മയുടെ കോളത്തിൽ സണ്ണി ലിയോണിയുടേയും പേര് ചേർക്കുകയായിരുന്നു. പ്രമുഖ നടീനടന്മാരാണെങ്കിലും വിദ്യാർത്ഥി നൽകിയ പേരിൽ മുഴുവന് അക്ഷരതെറ്റായിരുന്നു.

സംഭവമെന്തായാലും സോഷ്യൽമീഡിയയിൽ വൈറലാണ്. ഇമ്രാൻ ഹാഷ്മി തന്നെ വാർത്തയോട് പ്രതികരിച്ചത് ഏറെ രസകരമായിട്ടാണ്. "ഞാൻ ആണയിട്ട് പറയുന്നത് ആ അച്ഛൻ ഞാനല്ല" എന്നാണ് വാർത്തയോട് പ്രതികരിച്ച് ഇമ്രാൻ ഹാഷ്മി തമാശ രൂപേണ ട്വിറ്റ് ചെയ്തത്.

അഡ്മിറ്റ് കാർഡിൽ നൽകിയ ആധാർ നമ്പരും മൊബൈൽ നമ്പരും ഉപയോഗിച്ച് ആരാണ് ഇത്തരമൊരു 'വികൃതി' ഒപ്പിച്ചത് എന്ന് കണ്ടെത്താനുള്ള ശ്രമത്തിലാണ് അധികൃതർ.