അമ്മയുടെ സാരി വീണുപോയി; പത്താം നിലയുടെ ബാൽക്കണിയിൽ നിന്നും മകനെ കെട്ടിയിറക്കുന്ന വീഡിയോ ദൃശ്യം

അമ്മ മകനെ ഫ്ലാറ്റിന്റെ പത്താം നിലയുടെ ബാൽക്കണിയിൽ നിന്നും കെട്ടിയിറക്കിയ സംഭവം വിവാദമാവുന്നു. ഫരീദാബാദിൽ നിന്നുള്ള ഞെട്ടിക്കുന്ന സംഭവത്തിന്റെ ദൃശ്യം പുറത്തുവന്നു കഴിഞ്ഞു. എന്തിനാണ് അവർ അങ്ങനെ ചെയ്തത് എന്ന് നിങ്ങൾ ചിന്തിച്ചിട്ടുണ്ടാകണം. ഒരു സാരി വീണ്ടെടുക്കാൻ വേണ്ടിയായിരുന്നു ഇത്രയേറെ സാഹസികത. അതേ, നിങ്ങൾ കേട്ടത് ശരിയാണ്. താഴെ പൂട്ടിയിട്ടിരിക്കുന്ന ഒരു ഫ്ലാറ്റിൽ വീണുകിടക്കുന്ന സാരി തിരികെ എടുക്കാൻ ആ സ്ത്രീ ആരുടെയും സഹായമോ നിർദ്ദേശങ്ങളോ തേടിയില്ല, മറിച്ച് തന്റെ മകന്റെ ജീവൻ പണയം വച്ചുള്ള സാഹസികതയ്ക്ക് മുതിരുകയായിരുന്നു.