2326 സ്കൂളുകളില് 6043 അധിക തസ്തികകള് സൃഷ്ടിക്കും; 60 കോടി രൂപയുടെ പ്രതിവര്ഷ പ്രതീക്ഷിത സാമ്പത്തിക ബാധ്യത
- Published by:Arun krishna
- news18-malayalam
Last Updated:
സര്ക്കാര് മേഖലയിലെ 1114 സ്കൂളുകളില് നിന്നായി 3101 അധിക തസ്തികകളും എയ്ഡഡ് മേഖലയിലെ 1212 സ്കൂളുകളില് നിന്നായി 2942 അധിക തസ്തികകളും ഇതില് ഉള്പ്പെടും
തിരുവനന്തപുരം: സംസ്ഥാനത്തെ സര്ക്കാര്, എയ്ഡഡ് സ്കൂളുകളില് 2022-23 അധ്യയന വര്ഷത്തെ തസ്തിക നിര്ണ്ണയ പ്രകാരം 6043 അധിക തസ്തികകള് സൃഷ്ടിക്കുന്നതിന് സംസ്ഥാന സർക്കാർ അനുമതി നല്കി. 2326 സ്കൂളുകളിലാണ് 2022 ഒക്ടോബര് 1 മുതല് പ്രാബല്യത്തില് തസ്തിക സൃഷ്ടിക്കുക.
സര്ക്കാര് മേഖലയിലെ 1114 സ്കൂളുകളില് നിന്നായി 3101 അധിക തസ്തികകളും എയ്ഡഡ് മേഖലയിലെ 1212 സ്കൂളുകളില് നിന്നായി 2942 അധിക തസ്തികകളും ഇതില് ഉള്പ്പെടും. 5944 അധ്യാപക തസ്തികകളും 99 അനധ്യാപക തസ്തികകളുമാണ്. 58,99,93,200 രൂപയുടെ പ്രതിവര്ഷ പ്രതീക്ഷിത സാമ്പത്തിക ബാധ്യത വരും.
ഇപ്രകാരം സൃഷ്ടിക്കുന്ന 6043 തസ്തികകളില് എയ്ഡഡ് മേഖലയില് കുറവു വന്നിട്ടുള്ള 2996 തസ്തികകളിലെ അധ്യാപകരെ കെ.ഇ.ആറിലെ വ്യവസ്ഥകള് പ്രകാരം പുനര്വിന്യസിക്കുകയും സര്ക്കാര് മേഖലയില് 1638 അധ്യാപകരെ ക്രമീകരിക്കുകയും ചെയ്യും.
advertisement
ശമ്പളപരിഷ്കരണം
സംസ്ഥാന ഐടി മിഷനിലെ 27 തസ്തികളിലെ ജീവനക്കാരുടെ ശമ്പള പരിഷ്ക്കരണത്തിന് വ്യവസ്ഥകള്ക്ക് വിധേയമായി അംഗീകാരം നല്കി. പരിഷ്ക്കരണം 1.4.2020 മുതല് പ്രാബല്യത്തില് വരും.
കേരള സ്റ്റേറ്റ് ബിവറേജസ് കേര്പ്പറേഷനില് സര്ക്കാര് ജീവനക്കാരുടെ 11-ാം ശമ്പള പരിഷ്കരണത്തിന്റെ അടിസ്ഥാനത്തില് ശമ്പള പരിഷ്കരണം നടപ്പാക്കാന് തീരുമാനിച്ചു.
സംസ്ഥാന സര്ക്കാരിന്റെ കീഴിലുള്ള വിവിധ വകുപ്പുകളിലെ എസ്എല്ആര് ജീവനക്കാരുടെ ശമ്പളവും ആനുകൂല്യങ്ങളും ഏകീകരിച്ച് പരിഷ്കരിക്കാന് തീരുമാനിച്ചു.
advertisement
വിരമിക്കല് പ്രായം 56 ആക്കി
കേരള സ്റ്റേറ്റ് റിമോട്ട് സെന്സിംഗ് ആന്റ് എന്വയോണ്മെന്റ് സെന്ററിലെ ശാസ്ത്രവിഭാഗം ജീവനക്കാരുടെ വിരമിക്കല് പ്രായം 55 വയസ്സില് നിന്നും 56 വയസ്സാക്കി ഉയര്ത്തി സര്വ്വീസ് റൂള്സില് ഭേദഗതി വരുത്താന് തീരുമാനിച്ചു.
പേരിനൊപ്പം കെ.എ.എസ് എന്നു ചേര്ക്കാം
സംസ്ഥാന അഡ്മിനിസ്ട്രേറ്റീവ് സര്വ്വീസില് പ്രവേശിക്കുന്ന കെ.എ.എസ്. ഉദ്യോഗസ്ഥര്ക്ക് പേരിനൊപ്പം കെ.എ.എസ്. എന്നു ചേര്ക്കാന് അനുമതി നല്കും. അഖിലേന്ത്യാ സര്വ്വീസ് ഉദ്യോഗസ്ഥര് പേരിനൊപ്പം പ്രസ്തുത സര്വ്വീസിന്റെ ചുരുക്കപ്പേര് ഉപയോഗിക്കുന്ന മാതൃകയിലാവും ഇത്. പരിശീലനം പൂര്ത്തിയാക്കുന്ന കെ.എ.എസിന്റെ ആദ്യ ബാച്ച് ഉദ്യോഗസ്ഥര് ജൂലൈ 1ന് വിവിധ വകുപ്പുകളില് ചുമതലയേല്ക്കും.
Click here to add News18 as your preferred news source on Google. ഏറ്റവും പുതിയ ജോലി സാദ്ധ്യതകൾ, ബോർഡ് പരീക്ഷകൾ എല്ലാം അറിയാൻ News18 മലയാളത്തിനൊപ്പം വരൂ
Location :
Thiruvananthapuram,Thiruvananthapuram,Kerala
First Published :
Jun 27, 2023 5:39 PM IST
മലയാളം വാർത്തകൾ/ വാർത്ത/Career/
2326 സ്കൂളുകളില് 6043 അധിക തസ്തികകള് സൃഷ്ടിക്കും; 60 കോടി രൂപയുടെ പ്രതിവര്ഷ പ്രതീക്ഷിത സാമ്പത്തിക ബാധ്യത
