ഫുട്‌വെയർ ഡിസൈൻ ആൻഡ് ഡെവലപ്മെന്റ് ഇൻസ്റ്റിറ്റ്യൂട്ടിലേക്ക് ഇപ്പോൾ അപേക്ഷിക്കാം

ഇന്ത്യൻ കേന്ദ്ര വാണിജ്യ വ്യവസായ മന്ത്രാലയത്തിന് കീഴിൽ പ്രവർത്തിക്കുന്ന രാജ്യാന്തര നിലവാരമുള്ള ഒരു വിദ്യാഭ്യാസ സ്ഥാപനമാണ് ഫുട്‌വെയർ ഡിസൈൻ ആൻഡ് ഡെവലപ്മെന്റ് ഇൻസ്റ്റിറ്റ്യൂട്ട് (FDDI). ചെരിപ്പുകൾ (Footwear), തുകൽ ഉൽപ്പന്നങ്ങൾ (Leather products), ഫാഷൻ ഡിസൈൻ എന്നിവയിൽ ലോകനിലവാരത്തിലുള്ള പരിശീലനം നൽകുക എന്ന ലക്ഷ്യത്തോടെ 1986-ലാണ് ഇത് സ്ഥാപിതമായത്. 2017ൽ 'ഇൻസ്റ്റിറ്റ്യൂട്ട് ഓഫ് നാഷണൽ ഇംപോർട്ടൻസ്' (INI) ആയി പ്രഖ്യാപിച്ച സ്ഥാപനത്തിൽ ഫുട്‌വെയർ ഡിസൈൻ, റീട്ടെയിൽ മാനേജ്‌മെന്റ്, ഫാഷൻ ഡിസൈൻ, ലെതർ ഗുഡ്‌സ് ആൻഡ് ആക്‌സസറീസ് ഡിസൈൻ എന്നിവയിൽ ബിരുദ (B.Des), ബിരുദാനന്തര (M.Des/MBA) കോഴ്‌സുകൾ ഉണ്ട്.നോയിഡ, ഫുർസത്ഗഞ്ച്, ചെന്നൈ, കൊൽക്കത്ത, റോഹ്തക്, ഹൈദരാബാദ് ഉൾപ്പെടെ രാജ്യത്തുടനീളം 12 ക്യാമ്പസുകൾ ഉണ്ട്. അന്താരാഷ്ട്ര നിലവാരത്തിലുള്ള ലാബുകളും അത്യാധുനിക മെഷിനറികളും ഉപയോഗിച്ചുള്ള പ്രായോഗിക പരിശീലനവും ഫുട്‌വെയർ ഡിസൈൻ ആൻഡ് ഡെവലപ്മെന്റ് ഇൻസ്റ്റിറ്റ്യൂട്ട് (FDDI) നെ മറ്റ് ഫാഷൻ ഇൻസ്റ്റിറ്റ്യൂട്ടുകളിൽ നിന്ന് വ്യത്യസ്തമാക്കുന്നു.