'ഒരു ചിൽഡ് ബിയർ ആയാലോ'? പറയുന്നത് ലാലേട്ടനല്ല കോവിഡ് മാറിയ 103 വയസുളള മുത്തശ്ശി

Published by:Asha Sulfiker
news18-malayalam

Last Updated:Jun 03, 2020 7:46 AM IST

മുത്തശ്ശിയുടെ ചിൽഡ് ബിയറിന് നെറ്റിസൺസും 'ചിയേഴ്സ്' നൽകുന്നുണ്ട്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

മസാച്ചുസെറ്റ്സ്: 'നമുക്കോരോ ബിയർ അങ്ങട് കാച്യാലോ' തൂവാനത്തുമ്പികൾ എന്ന ചിത്രത്തിൽ മോഹൻലാലിന്‍റെ കഥാപാത്രം പറയുന്ന ഈ ഡയലോഗ് മലയാളികൾക്ക് പരിചിതമാണ്.. ഇതേ ഡയലോഗ് തന്നെയാണ് യുകെയിൽ കോവിഡിനെ തോൽപ്പിച്ചെത്തിയ നൂറ്റിമൂന്നുകാരി ജെനി സ്റ്റെജ്നയും പറയുന്നത്. മസാച്ചുസെറ്റ്സിലെ ഒരു നഴ്സിംഗ് ഹോമിൽ കഴിയുകയാണ് ഈ മുത്തശ്ശി. മൂന്നാഴ്ചകൾക്ക് മുമ്പ് ജെനിയ്ക്ക് കടുത്ത പനി ബാധിച്ചു പരിശോധനയിൽ കോവിഡ് സ്ഥിരീകരിക്കുകയും ചെയ്തു.

ആ നഴ്സിംഗ് ഹോമിലെ ആദ്യ കോവിഡ് കേസായിരുന്നു ജെനി. പ്രായാധിക്യം മൂലം രോഗം വഷളായതോടെ ഇവരെ പ്രത്യേക വാർഡിലേക്ക് മാറ്റുകയും കൃത്യമായ പരിചരണത്തിൽ നിരീക്ഷണത്തിലാക്കുകയും ചെയ്തു. ഡോക്ടര്‍മാരെ വരെ അത്ഭുതപ്പെടുത്തിക്കൊണ്ട് കൊറോണ മുക്തയായി ജെനി ജീവിതത്തിലേക്ക് മടങ്ങിവന്നു. നൂറ്റിമൂന്നുകാരിയായ മുത്തശ്ശിയുടെ ഈ അതിജീവനത്തെ ആഘോഷിക്കാതിരിക്കാൻ ഡോക്ടർമാർക്കും ആയില്ല.. നല്ല തണുത്ത ഒരു കുപ്പി ബിയർ നൽകിയാണ് ഇവർ ജെനിയെ തിരികെ ജീവിതത്തിലേക്ക് സ്വാഗതം ചെയ്തത്.

You may also like:Covid 19 | നിയന്ത്രണങ്ങൾ ലംഘിച്ച് മെഗാറാലിയിൽ പങ്കെടുത്ത് കർണാടക ആരോഗ്യമന്ത്രി; വിമർശനം ശക്തം [NEWS]സ്കൂൾ കാലത്തെ 'അനാവശ്യ' പോസ്റ്റുകൾ ഒഴിവാക്കാൻ പുതിയ മാർഗവുമായി ഫേസ്ബുക്ക് [NEWS] മകളുടെ അസുഖവിവരമറിഞ്ഞ് പുറപ്പെട്ട പിതാവ് അപകടത്തിൽ മരിച്ചു; രോഗം മൂർച്ഛിച്ച കുഞ്ഞിനെയും രക്ഷിക്കാനായില്ല [NEWS]

മക്കളും പേരക്കുട്ടികളും അവരുടെ മക്കളുമൊക്കെയുള്ള വയോധിക, ജീവനോടെ മടങ്ങിയെത്തുമെന്ന് ബന്ധുക്കള്‍ പോലും കരുതിയില്ല. അതുകൊണ്ട് തന്നെ ഈ തിരിച്ചു വരവ് വലിയൊരു വിസ്മയം തന്നെയായാണ് ഇവർ കാണുന്നത്. മുത്തശ്ശിയുടെ ചിൽഡ് ബിയറിന് നെറ്റിസൺസും 'ചിയേഴ്സ്' നൽകുന്നുണ്ട്.

Whenever you have a thought that you’re a bad MFer remember Jennie Stejna is badder than you’ll ever be. Massachusetts woman beats COVID-19, celebrates with Bud Light https://t.co/wcGddwYa0Q

— Sal33 (@SalLetoFF) May 28, 2020