കോവിഡ് നെഗറ്റീവായി വീട്ടിലെത്തി; ഡൽഹി മലയാളിയുടെ മരണം വീണ്ടും രോഗം സ്ഥിരീകരിച്ചതിന് പിന്നാലെ

ഡൽഹിയിൽ സ്വകാര്യ കമ്പനി സൂപ്പർവൈസറായ ഷാജി വൃക്കസംബന്ധമായ അസുഖങ്ങളെ തുടർന്ന് കഴിഞ്ഞ കുറച്ചു നാളുകളായി ആഴ്ചയിൽ രണ്ടു തവണ ഡയാലിസിസ് നടത്തി വരുന്നുണ്ട്.   ഈ ചികിത്സ തുടരുന്നതിനിടെ മെയ് അവസാനത്തോടെ ശ്വസിക്കുന്നതിന് ബുദ്ധിമുട്ട് അനുഭവപ്പെട്ടു. തുടർന്ന് നടത്തിയ പരിശോധനയിൽ കോവിഡ് സ്ഥിരീകരിക്കുകയായിരുന്നു.  പിന്നാലെ ജൂൺ മൂന്നോടെ ഇദ്ദേഹത്തെ ലോക് നായക് ജയ് പ്രകാശ് നാരായൺ (LNJP) ആശുപത്രിയിൽ പ്രവേശിപ്പിച്ചു. ജൂൺ 26ന് കോവിഡ് പരിശോധന ഫലം നെഗറ്റീവ് ആയതോടെ  ഡിസ്ചാർജ്ജ് ആയി വീട്ടിലേക്ക് മടങ്ങുകയും ചെയ്തു.

കോവിഡ് പ്രോട്ടോക്കോൾ അനുസരിച്ച് ഡൽഹിയിലെ ആൽഫ ഒമേഗ ക്രിസ്ത്യൻ വെൽഫെയർ കമ്മ്യൂണിറ്റി ചർച്ചിൽ ഷാജി ജോണിന്‍റെ സംസ്കാര ചടങ്ങുകള്‍ നടന്നു. ഡൽഹി സെന്റ് സ്റ്റീഫൻസ് ആശുപത്രി നഴ്സായ ഷേർലിയാണ് ഭാര്യ. മക്കൾ: ഏയ്ഞ്ചൽ, അലീസ