Suicide in Covid ward | ഐസൊലേഷൻ വാർഡിലെ ആത്മഹത്യ: മെഡിക്കൽ കൊളേജ് കോവിഡ് നിരീക്ഷണ രീതിയിൽ മാറ്റം

നിരീക്ഷണത്തിൽ വന്ന വീഴ്ചയാണ് രണ്ട് പേരുടെ ആത്മഹത്യയിലേയ്ക്ക് നയിച്ചതെന്ന് തന്നെയാണ് വിലയിരുത്തൽ. ഇതിന്റെ അടിസ്ഥാനത്തിലാണ് മെഡിക്കൽ കോളേജ് ആശുപത്രിയിലെ കോവിഡ് വാര്‍ഡ് നിരീക്ഷണസംവിധാനത്തിൽ മാറ്റം വരുത്തിയത്.

കോവിഡ് വാര്‍ഡുകളില്‍ പ്രവേശിപ്പിക്കുന്ന രോഗികള്‍ക്കുവേണ്ടി ഒരു മാനസികാരോഗ്യ വിദഗ്ധന്‍റെ സേവനം 24 മണിക്കൂറും ഉറപ്പുവരുത്തും. ഇവര്‍ കോവിഡ് വാര്‍ഡിലെ എല്ലാ രോഗികളെയും പരിശോധിക്കുകയും കൗണ്‍സലിംഗും ആവശ്യമെങ്കില്‍ തുടര്‍ കൗണ്‍സലിംഗും നല്‍കുകയും ചെയ്യും.

സുരക്ഷാ സംവിധാനം കാര്യക്ഷമമാക്കുന്നതിനായി 15 പൊലീസുകാരുടെ സേവനം വിട്ടുനല്‍കുവാനായി ഡി.ജി.പിക്ക് കത്തുനല്‍കിയിട്ടുമുണ്ട്. കോവിഡ് വാര്‍ഡുകളില്‍ ജോലി ചെയ്യുന്ന എല്ലാ ജീവനക്കാര്‍ക്കും സൈക്കോളജിക്കല്‍ ഫസ്റ്റ് എയ്ഡ് പരിശീലനവും നല്‍കും. ആത്മഹത്യകൾ സംബന്ധിച്ച് ആരോഗ്യ വകുപ്പ് പ്രിൻസിപ്പൽ സെക്രട്ടറിയോടെ അന്വേഷണം നടക്കുകയാണ്.