BREAKING: പ്രവാസികളുടെ മടങ്ങിവരവ്: കേരളത്തിലേക്ക് ആദ്യ ആഴ്ച 15 വിമാനങ്ങൾ; സർവീസിന്‍റെ പൂർണവിവരം

ന്യൂഡൽഹി: പ്രവാസികളെ മടക്കിയെത്തിക്കുന്നത് സംബന്ധിച്ച് ആദ്യ ആഴ്ചയിലെ വിമാനസർവീസുകളുടെ വിശദാംശങ്ങൾ കേന്ദ്രസർക്കാർ പുറത്തുവിട്ടു . ആദ്യ ആഴ്ച കേരളത്തിലേക്ക് 15 സർവീസുകളാണുള്ളത്. യുഎഇ, ഖത്തർ, സൗദി അറേബ്യ, ബഹറിൻ, കുവൈറ്റ്, ഒമാൻ, മലേഷ്യ എന്നിവിടങ്ങളിൽനിന്നാണ് പ്രവാസികളെ മടക്കിക്കൊണ്ടുവരുന്നത്. ഇന്ത്യയിലേക്ക് ആകെ 64 ഫ്ലൈറ്റുകളിലായി 14800 പേരെയാണ് കൊണ്ടുവരുന്നത്. ഇതിൽ 3150 പേർ കേരളത്തിലേക്കാണ്. യുഎഇ, സൗദി എന്നിവിടങ്ങളിൽനിന്ന് മൂന്നും, കുവൈറ്റ്, ഖത്തർ, ബഹറിൻ, മലേഷ്യ എന്നിവിടങ്ങളിൽനിന്ന് രണ്ടുവീതവും ഒമാനിൽനിന്ന് ഒരു വിമാനവുമാണുള്ളത്.