COVID 19| ബറാഅത്ത് രാവിൽ‌ പള്ളികളോ ഖബറിടങ്ങളോ സന്ദർശിക്കരുതെന്ന് മുസ്ലീം പണ്ഡിതന്‍മാർ

എല്ലാവര്‍ക്കും പ്രത്യേകിച്ച് കൊറോണ വൈറസ് മൂലം വെല്ലുവിളികൾ നേരിടുന്നവർക്കായി അള്ളാഹുവിന്റെ മുമ്പിൽ പൂർണ്ണ ഹൃദയത്തോടെ അപേക്ഷിക്കണമെന്നും ഉലമാക്കളും -പണ്ഡിതന്‍മാരും പുറത്തിറക്കിയ പ്രസ്താവനയിൽ ആഹ്വാനം ചെയ്യുന്നു. ഏപ്രിൽ 7നും 8നും ഇടയിലെ രാത്രിയിലാണ് ബറാഅത്ത് ആചരിക്കുന്നത്. അതേ ദിവസം വീടുകളിൽ തന്നെ പ്രാര്‍ഥനയോടെ കഴിയാനാണ് മുസ്ലീം മതപണ്ഡിതന്മാർ ആഹ്വാനം ചെയ്തിരിക്കുന്നത്.

ബറാഅത്ത് രാവിൽ പള്ളികളോ ഖബറിടങ്ങളോ സന്ദർശിക്കരുതെന്ന് ഡൽഹി പൊലീസും അഭ്യർഥിച്ചിട്ടുണ്ട്. വിശുദ്ധ ശഅബാൻ രാവിൽ വീടുകളിൽ തന്നെ കഴിയണമെന്നാണ് ഡൽഹി പൊലീസ് ഹിന്ദിയിലും ഉറുദുവിലുമായി പോസ്റ്റ് ചെയ്ത ട്വീറ്റിലൂടെ ആവശ്യപ്പെട്ടിരിക്കുന്നത്.

കർണാടകയിലും ബറാഅത്ത് രാവിലെ പ്രാർഥനാ കൂട്ടായ്മകൾ വഖഫ് ബോർഡ് റദ്ദു ചെയ്തിട്ടുണ്ട്. വീടുകളിൽ തന്നെ നമസ്കരിക്കാനാണ് ആവശ്യപ്പെട്ടിരിക്കുന്നത്.

‌

പ്രായശ്ചിത്തത്തിന്റെ രാവ് അല്ലെങ്കിൽ മാപ്പപേക്ഷിക്കലിന്റെ രാവ് എന്നാണ് ബറാഅത്ത് എന്ന വാക്കു കൊണ്ട് അർഥമാക്കുന്നത്. അനുഗ്രഹങ്ങൾ ലഭിക്കുന്ന രാവായും ഇത് അറിയപ്പെടുന്നു. ഖുറാൻ പാരായണവും പ്രാർഥനകളുമായാണ് വിശ്വാസികൾ ഈ രാവ് കഴിച്ചു കൂട്ടുന്നത്.