രാജ്യത്ത് കോവിഡ് വാക്സിൻ വൻതോതിൽ പാഴാകുന്നു; ഇതുവരെ പാഴായത് 23 ലക്ഷം വാക്സിൻ ഡോസുകൾ

‌കോവിഷീൽഡ് വാക്സിന്റെ ഒരോ ചെറിയ കുപ്പിയിലും 10 ഡോസുകളും കൊവാക്സിന്റെതിൽ 20 ഡോസുകളും ആണ് ഉള്ളത്. 0.5 മില്ലിയാണ് ഒരു ഡോസ് എന്ന് പറയുന്നത്. ഓരോ ആളുകളിലും പ്രയോഗിക്കുന്നത് 0.5 മില്ലിയുള്ള ഒരു ഡോസാണ്. കുപ്പി തുറന്ന് കഴിഞ്ഞാൽ 4 മണിക്കൂറിനുള്ളിൽ ഉപയോഗിച്ചിരിക്കണം. ഈ സമയത്തിനുള്ളിൽ മുഴുവൻ ഡോസുകളും ഉപയോഗിക്കാതിരുന്നാൽ വാക്സിൻ പാഴായിപ്പോവുകയും ഇത് നശിപ്പിക്കേണ്ടതായും വരും. വാക്സിൻ എടുക്കാൻ കൂടുതൽ ആളുകൾ മുന്നോട്ട് വരാത്തതാണ് പാഴായിപ്പോകുന്നതിന് ഇടയാക്കുന്നത് എന്നാണ് വിലയിരുത്തൽ

ലോകത്തെ തന്നെ ഏറ്റവും വലിയ രണ്ടാമത്തെ വാക്സിനേഷൻ പ്രോഗാമാണ് ഇന്ത്യയിൽ നടക്കുന്നത്. എന്നാൽ കുത്തിവെപ്പ് പ്രവർത്തനങ്ങൾ കൂടുതൽ കാര്യക്ഷമം ആക്കേണ്ടതുണ്ട്. വാക്സിനേഷൻ സെന്റെറുകൾക്ക് ഒരു കിലോമീറ്റർ ചുറ്റളവിലുള്ള ആളുകളുടെ ലിസ്റ്റും സെൻ്ററുകൾക്ക് നൽകാം. വരുന്ന ആളുകൾക്ക് ശേഷം ബാക്കിയാകുന്ന വാക്സിനുകൾക്കായി ഇവരെ ബന്ധപ്പെടാം. നിശ്ചിത സമയത്തിനുള്ളിൽ ഇവർക്ക് എത്താനായാൽ വാക്സിൻ പാഴാകുന്നത് തടയാനാകും. മുൻഗണനാ ക്രമത്തിന് പുറത്ത് നിന്നുള്ള ആളുകളെയും ഈ ലിസ്റ്റിൽ ഉൾപ്പെടുത്താം. ഒരു വാക്സിൻ വലിച്ചെറിയുന്നതിനേക്കാൾ എന്തുകൊണ്ടും നല്ലതാണ് മറ്റൊരാൾക്ക് പ്രയോജനപ്പെടുത്തു എന്നത്.- പൊതുജന ആരോഗ്യ വിദഗ്ധനായ ദിലീപ് മവലങ്കർ പറയുന്നു.