144 in Thiruvananthapuram District | തിരുവനന്തപുരം ജില്ലയിലെ നിയന്ത്രണങ്ങൾ ഇങ്ങനെ; ഒക്ടോബർ 3 മുതൽ 31 വരെ നിരോധനാജ്ഞ
- Published by:Aneesh Anirudhan
- news18-malayalam
Last Updated:
സി.ആര്.പി.സി 144 പ്രകാരമാണ് നിയന്ത്രണങ്ങള് ഏര്പ്പെടുത്തിയിരിക്കുന്നത്. കണ്ടെയിന്മെന്റ് സോണായി പ്രഖ്യാപിച്ചിരിക്കുന്ന സ്ഥലങ്ങളില് നിയന്ത്രങ്ങള് കൂടുതള് ശക്തിപ്പെടുത്തിയിട്ടുമുണ്ട്.
തിരുവനന്തപുരം: ജില്ലയില് കോവിഡ് വ്യാപനം അതിരൂക്ഷമാകുന്ന സാഹചര്യത്തില് നിയന്ത്രണങ്ങള് ശക്തമാക്കി ജില്ലാ കളക്ടര് ഡോ. നവജ്യോത് ഖോസ ഉത്തരവു പുറപ്പെടുവിച്ചു. പൊതുസ്ഥലങ്ങളില് അഞ്ചിലധികം ആളുകള് സ്വമേധയാ കൂട്ടംകൂടുന്നത് നിരോധിച്ചു. സി.ആര്.പി.സി 144 പ്രകാരമാണ് നിയന്ത്രണങ്ങള് ഏര്പ്പെടുത്തിയിരിക്കുന്നത്. കണ്ടെയിന്മെന്റ് സോണായി പ്രഖ്യാപിച്ചിരിക്കുന്ന സ്ഥലങ്ങളില് നിയന്ത്രങ്ങള് കൂടുതള് ശക്തിപ്പെടുത്തിയിട്ടുമുണ്ട്. വെള്ളിയാഴ്ച രാവിലെ ഒന്പതു മുതല് നിയന്ത്രണങ്ങള് നിലവില് വരും. ഒക്ടോബര് 31 അര്ദ്ധരാത്രി വരെയാണ് നിയന്ത്രണങ്ങള് ഏര്പ്പെടുത്തിയിട്ടുള്ളത്.
കണ്ടെയിന്മെന്റ് സോണുകളില് വിവാഹം, ശവസംസ്കാരം എന്നിവയ്ക്കൊഴികെ അഞ്ചുപേരില് കൂടുതല് പങ്കെടുക്കുന്ന പൊതു പരിപാടികളോ കൂടിച്ചേരലുകളോ അനുവദിക്കില്ല. ഈ പ്രദേശങ്ങളില് വിവാഹം, ശവസംസ്കാരം എന്നിവയ്ക്ക് പരമാവധി 20 പേരെ പങ്കെടുപ്പിക്കാം. ഇന്ഡോര്, ഔട്ട് ഡോര് പരിപാടികള്ക്കും ഈ നിയന്ത്രണങ്ങള് ബാധകമായിരിക്കും.
- കണ്ടെയിന്മെന്റ് സോണുകളില് പലചരക്ക്, മരുന്ന്, പാല്, പച്ചക്കറി, മാംസം, മത്സ്യം എന്നിവയുടെ വിതരണവും റവന്യു, ആരോഗ്യം, പോലീസ്, തദ്ദേശസ്വയംഭരണം, വൈദ്യുതി, ശുചീകരണം, ജലവിതരണം എന്നീ അവശ്യ സര്വീസുകള് അനുവദിക്കും. അടിയന്തര മെഡിക്കല് സേവനങ്ങള്, അവശ്യ സാധനങ്ങളുടെ ലഭ്യത ഉറപ്പാക്കല് എന്നിവയ്ക്കൊഴികെ ആളുകള് കണ്ടെയിന്മെന്റ് സോണില് നിന്നും പുറത്തേക്കു പോകുന്നത് കര്ശനമായി നിയന്ത്രിക്കും. ഇതിനാവശ്യമായ നിയന്ത്രണ സംവിധാനങ്ങള് പോലീസ് ഏര്പ്പെടുത്തണം.
- കണ്ടെയിന്മെന്റ് സോണിനു പുറത്ത് അഞ്ചുപേരില് കൂടുതലുള്ള പൊതു പരിപാടികളോ കൂട്ടം ചേരലുകളോ അനുവദിക്കില്ല.
- സാമൂഹിക, സാംസ്കാരിക, രാഷ്ട്രീയ, വിദ്യാഭ്യാസ, മത ചടങ്ങുകള് എന്നിവയ്ക്കുള്ള ഇന്ഡോര് പരിപാടികളില് പരമാവധി 20 പേരെവരെ പങ്കെടുപ്പിക്കാം.
- പ്രാര്ത്ഥനാ ചടങ്ങുകള്ക്കും ശവസംസ്കാര ചടങ്ങുകള്ക്കും ഈ നിയന്ത്രണം ബാധകമായിരിക്കും.
- കണ്ടെയിന്മെന്റ് സോണിനു പുറത്ത് പരമാവധി 50 പേരെ പങ്കെടുപ്പിച്ച് വിവാഹ ചടങ്ങുകള് നടത്താം. എന്നാല് പങ്കെടുക്കുന്ന എല്ലാപേരും സാമൂഹിക അകലം അടക്കമുള്ള കോവിഡ് പ്രോട്ടോക്കോള് നിര്ബന്ധമായും പാലിക്കണം.
- കണ്ടെയിന്മെന്റ് സോണ് അല്ലാത്ത ഇടങ്ങളില് കേന്ദ്ര സംസ്ഥാന സര്ക്കാരുകള് അനുവദിച്ചിട്ടുള്ള ഇളവുകള് കോവിഡ് പ്രോട്ടോക്കോള് പാലിച്ചും പങ്കെടുക്കുന്ന ആളുകളുടെ എണ്ണം നിയന്ത്രിച്ചും മാത്രമേ അനുവദിക്കൂ.
advertisement
advertisement
Location :
First Published :
Oct 02, 2020 9:41 PM IST
മലയാളം വാർത്തകൾ/ വാർത്ത/Corona/
144 in Thiruvananthapuram District | തിരുവനന്തപുരം ജില്ലയിലെ നിയന്ത്രണങ്ങൾ ഇങ്ങനെ; ഒക്ടോബർ 3 മുതൽ 31 വരെ നിരോധനാജ്ഞ
