Kanakamala Case | കനകമല കേസിലെ പിടികിട്ടാപ്പുള്ളി അറസ്റ്റിൽ; മുഹമ്മദ് പോളക്കാനിയെ പിടികൂടിയത് ജോർജിയയിൽ നിന്ന്

കൊച്ചി: കനകമല കേസിലെ പിടികിട്ടാപ്പുള്ളിയും അറസ്റ്റിലായി. കേസിൽ ഉൾപ്പെട്ട അഞ്ച് പ്രതികളെ നേരത്തെ കോടതി ശിക്ഷിക്കുകയും ഒരാളെ വെറുതെ വിടുകയും ചെയ്തിരുന്നു. അന്ന് പിടികിട്ടാതിരുന്ന മുഹമ്മദ് പോളക്കാനിയാണ് ഇപ്പോൾ എൻ.ഐ.എ അറസ്റ്റ് ചെയ്തിരിക്കുന്നത്. ജോർജിയയിൽ നിന്നും ഇന്ത്യയിൽ എത്തിച്ചാണ് ഇയാളുടെ അറസ്റ്റ് രേഖപ്പെടുത്തിയത്. ഒന്നാം പ്രതിയായിരുന്ന ഇയാൾ പിടികിട്ടാപ്പുള്ളിയായതോടെ മറ്റ് എട്ട് പ്രതികളെ ഒന്നു മുതൽ എട്ടു വരെ പ്രതികളാക്കിയാണ് കുറ്റപത്രം സമർപ്പിച്ചത്. പെരുമ്പാവൂരിൽ അറസ്റ്റിലായ അൽഖായിദ ഭീകരർക്കൊപ്പമാണ് ഇയാളെ മജിസ്ട്രേട്ടിന് മുന്നിൽ ഹാജരാക്കിയത്.