Vismaya case | 'നീ ചത്താൽ പാട്ടക്കാറും വേസ്റ്റ് പെണ്ണും ഒഴിവാകും'... കിരണിൻ്റെ ക്രൂരതകൾക്ക് തെളിവായി ഡിജിറ്റൽ രേഖകളും സാക്ഷിമൊഴിയും

വിജിത്തിന്റെ വിവാഹത്തിന് കിരൺ പങ്കെടുത്തില്ല. വിസ്മയ വിവാഹശേഷം അനുഭവിച്ച എല്ലാ വിഷമതകളും എന്നോട് പറഞ്ഞിരുന്നു. ഗൾഫുകാരന്റെ മകളും മർച്ചന്റ് നേവിക്കാരന്റെ പെങ്ങളുമാണെന്ന് വിചാരിച്ചാണ് കല്ല്യാണം കഴിച്ചതെന്നും പക്ഷേ കിട്ടിയത് ഒരു പാട്ടക്കാറും വേസ്റ്റ് പെണ്ണുമാണെന്ന് കിരൺ പറയുമായിരുന്നുവെന്ന് രണ്ടാംസാക്ഷി വെളിപ്പെടുത്തി. മാനസിക സമ്മർദ്ദം താങ്ങാനാകാതെ താൻ ആത്മഹത്യയുടെ ഘട്ടത്തിലാണെന്ന് പറഞ്ഞപ്പോൾ 'നീ ചത്താൽ പാട്ടക്കാറും നിന്നേം സഹിക്കണ്ടാല്ലോ' എന്നാണ് കിരൺ പറഞ്ഞത്.

ബിഎഎംഎസിന് പഠിക്കുന്ന ഒരു കുട്ടി സ്വന്തം വ്യക്തിത്വം കളഞ്ഞ് ഇങ്ങനെ കഴിയുന്നത് സഹിക്കാനാകാത്തതിനാൽ താൻ വിവരം ഭർത്താവിനെയും മാതാപിതാക്കളെയും അറിയിച്ചു. അതിന്റെ അടിസ്ഥാനത്തിലാണ് കരയോഗത്തിൽ പരാതി നൽകിയത്. ഇക്കാര്യം ചർച്ച ചെയ്യാനിരിക്കെ മാർച്ച് 17ന് വിസ്മയയെ കിരൺ കോളജിൽ നിന്ന് കൂട്ടിക്കൊണ്ടുപോയി. അതിനുശേഷം വിസ്മയ തന്നോടുള്ള കോണ്ടാക്ട് കുറച്ചു.

വിസ്മയ ഒരുകാരണവശാലും തന്റെ ഫോൺ നമ്പർ ബ്ലോക്ക് ചെയ്യുകയില്ലെന്ന് സ്പെഷ്യൽ പബ്ലിക് പ്രോസിക്യൂട്ടർ ജി. മോഹൻരാജിന്റെ ചീഫ് വിസ്താരത്തിൽ രേവതി പറഞ്ഞു. വിസ്മയ തനിക്കയച്ച മെസേജുകളുടെ സ്ക്രീൻഷോട്ട് തന്റെ കൈവശമുണ്ടായിരുന്നത് വിസ്മയയുടെ മരണദിവസം തന്നെ താൻ മാധ്യമങ്ങൾക്ക് നൽകിയിരുന്നതായും സാക്ഷി മൊഴി നൽകി.

ഡോ: രേവതി തന്റെ ഫോണും വിസ്മയയുടെ മെസേജുകളും കോടതിയിൽ തിരിച്ചറിഞ്ഞു. ഡോ: രേവതിയുടെ എതിർ വിസ്താരം തിങ്കളാഴ്ച നടക്കും.