മദ്യപിച്ച് വാഹനമോടിച്ചയാൾ ആറു വാഹനങ്ങള്‍ ഇടിച്ചുതെറിപ്പിച്ചു; നാലു പേർക്ക് പരിക്ക്; വാഹനം നാട്ടുകാര്‍ അടിച്ചു തകര്‍ത്തു

കോട്ടയം: ഈരാറ്റുപേട്ടയിൽ മദ്യപിച്ച് വാഹനമോടിച്ച് ആറു വാഹനങ്ങൾ ഇടിച്ചുതെറിപ്പിച്ചു. കോട്ടയം ഈരാറ്റുപേട്ടയിലാണ് സംഭവം. വെള്ളിയാഴ്ച രാത്രി 9.30നാണ് സഭവം നടന്നത്. ഈരാറ്റുപേട്ട നടക്കൽ സ്വദേശി യാസീന്‍ ഓ‍ടിച്ച കാറാണ് വാഹനങ്ങളെ ഇടിച്ചുതെറിപ്പിച്ചത്. അപകടത്തിൽ നാലു പേർക്ക് പരിക്കേറ്റിട്ടുണ്ട്.

Also Read-കോഴിക്കോട് ഓടിക്കൊണ്ടിരുന്ന ട്രെയിനുനേരെ കല്ലെറിഞ്ഞ കേസിലെ പ്രതികൾ അറസ്റ്റിൽ

യാസീനെ പൊലീസ് കസ്റ്റഡിയിലെടുത്തു. സ്ഥലത്ത് സംഘര്‍ഷാവസ്ഥയുണ്ടായെങ്കിലും പൊലീസ് എത്തി സ്ഥിതി നിയന്ത്രണവിധേയമാക്കി. യാസീന്റെ കാർ നാട്ടുകാർ അടിച്ചുതകർത്തു. അപകടത്തെ തുടര്‍ന്ന് മണിക്കൂറോളം ഗതാഗത തടസ്സമുണ്ടായി. പരിക്കേറ്റവരെ സ്വകാര്യ ആശുപത്രിയിലും പ്രവേശിപ്പിച്ചു.