'എൽദോസ് കുന്നപ്പിള്ളിൽ എംഎൽഎ മദ്യപിച്ച് വീട്ടിലെത്തി മർദിച്ചു; കേസ് ഒത്തുതീർപ്പാക്കാൻ 30 ലക്ഷം രൂപ വാഗ്ദാനം നൽകി': പരാതിക്കാരി

തിരുവനന്തപുരം: എൽദോസ് കുന്നപ്പിള്ളിൽ എംഎൽഎ മദ്യപിച്ച് വീട്ടിലെത്തി മർദിച്ചെന്ന് യുവതി. വാർത്താസമ്മേളനത്തിലാണ് യുവതി ഇക്കാര്യം ആരോപിച്ചത്. എം എൽ എ യുടെ പി എ ഡാമി പോൾ, ജിഷ്ണു എന്നിവരും മർദ്ദിക്കുമ്പോൾ ഒപ്പമുണ്ടായിരുന്നു. ഹണി ട്രാപ്പിൽപെടുത്തുമെന്ന് ഭീഷണിപ്പെടുത്തി.കേസ് ഒത്തുതീർപ്പാക്കാൻ 30 ലക്ഷം രൂപ വാഗ്ദാനം ചെയ്തെന്നും പരാതി ഇല്ലെന്നു എഴുതി നൽകാൻ കോവളം സി ഐ ആവശ്യപ്പെട്ടെന്നും യുവതി പറഞ്ഞു.