മുഖ്യമന്ത്രിയുടെ മകളുടെ വിവാഹ ഫോട്ടോയിൽ 'സ്വപ്ന'; ചിത്രം പ്രചരിപ്പിച്ചവർക്കെതിരെ മന്ത്രി ഇ.പി ജയരാജൻ പരാതി നൽകി

തിരുവനന്തപുരം: മുഖ്യമന്ത്രി പിണറായി വിജയന്റെ മകളുടെ വിവാഹചടങ്ങിൽ സ്വർണക്കടത്ത് കേസിലെ പ്രതി സ്വപ്ന സുരേഷ് പങ്കെടുത്തെന്ന തരത്തിലുള്ള വ്യാജ ചിത്രം പ്രചരിപ്പിച്ചവർക്കെതിരെ മന്ത്രി ഇ.പി ജയരാജൻ ഡി.ജി.പിക്ക് പരാതി നൽകി. ചിത്രം പ്രചരിപ്പിച്ച യൂത്ത് കോൺഗ്രസ് ജനറൽ സെക്രട്ടറി ടി ജി സുനിൽ, കോൺഗ്രസ് നേതാവ് ദീപ്തി മേരി വർഗീസ്, ബിജു കല്ലട, രഗുനാഥ് മേനോൻ, മനോജ് പൊൻകുന്നം, ബാബു കല്ലുമാല, മനീഷ് കല്ലറ എന്നിവർക്കെതിരെയാണ് മന്ത്രി പരാതി നൽകിയത്.