കൊല്ലത്ത് ഗാന്ധിപ്രതിമയ്ക്ക് ചെകിട്ടത്തടിയും അസഭ്യവര്‍ഷവും; 41കാരനായ ഹരിലാല്‍ അറസ്റ്റില്‍

Published by:Rajesh V
news18-malayalam

Last Updated:Dec 30, 2025 7:43 PM IST

നവകേരള സദസ് നടക്കെ മുഖ്യമന്ത്രിക്ക് നേരെ പാഞ്ഞടുത്തതിനും ഇയാൾ കസ്റ്റഡിയിലായിരുന്നു

കൊല്ലം: പൊതുസ്ഥലത്തെ ഗാന്ധിപ്രതിമയെ അവഹേളിച്ച സംഭവത്തിൽ യുവാവ് അറസ്റ്റിൽ. കൊല്ലം പുനലൂർ ചെമ്മന്തൂരിൽ താമസിക്കുന്ന ഹരിലാൽ (41) ആണ് അറസ്റ്റിലായത്. നേരത്തെയും ഒട്ടേറെ കേസുകളിൽ പ്രതിയാണിയാൾ. രജതജൂബിലി സ്മാരകമായി പുനലൂരിലെ ഭാരത മാതാ ഐടിഐ ഏതാനുംവർഷം മുൻപ് പുനലൂർ തൂക്കുപാലത്തിന്റെ പടിഞ്ഞാറേ കവാടത്തിൽ സ്ഥാപിച്ച പ്രതിമയിലാണ് ഹരിലാൽ അതിക്രമം കാട്ടിയത്.

തിങ്കളാഴ്ച ഉച്ചയോടെയായിരുന്നു സംഭവം. പ്രതിമ സ്ഥാപിച്ചിരുന്ന കൽകെട്ടിനുമുകളിൽ കയറിയ യുവാവ് പ്രതിമയുടെ ചെകിട്ടത്ത് അടിക്കുകയും അസഭ്യംവിളിക്കുകയും ചെയ്തു. കണ്ടുനിന്നവർ ഇതിന്റെ വീഡിയോ പകർത്തുകയും സമൂഹ മാധ്യമങ്ങളിൽ പ്രചരിപ്പിക്കുകയുമായിരുന്നു. വീഡിയോ വൈറലായതോടെയാണ് പുനലൂർ പോലീസ് ഇയാളെ അറസ്റ്റ് ചെയ്തത്.

പിങ്ക് പോലീസിന്റെ കാറിന്റെ കണ്ണാടിച്ചില്ല് തകർത്തതുൾപ്പടെ കേസുകളിൽ ഇയാൾ പ്രതിയാണെന്ന് പോലീസ് പറഞ്ഞു. ഒരു വർഷം മുൻപ്, തൂക്കുപാലത്തിന്റെ ചങ്ങല ഘടിപ്പിച്ചിട്ടുള്ള കിണറ്റിലിറങ്ങി പരിഭ്രാന്ത്രി പടർത്തിയതിന് ഇയാളെ പോലീസ് കസ്റ്റഡിയിലെടുത്തിരുന്നു. ചെമ്മന്തൂരിൽ നവകേരള സദസ് നടക്കെ മുഖ്യമന്ത്രിക്ക് നേരെ പാഞ്ഞടുത്തതിനും ഇയാൾ കസ്റ്റഡിയിലായിരുന്നു.

Summary: A man has been arrested for insulting a Mahatma Gandhi statue in a public place. The arrested individual is identified as Harilal (41), a resident of Chemmanthoor, Punalur, in Kollam. According to the police, the accused is a habitual offender involved in several previous criminal cases.

Location :

Kollam,Kollam,Kerala

First Published :

Dec 30, 2025 7:43 PM IST

കൊല്ലത്ത് ഗാന്ധിപ്രതിമയ്ക്ക് ചെകിട്ടത്തടിയും അസഭ്യവര്‍ഷവും; 41കാരനായ ഹരിലാല്‍ അറസ്റ്റില്‍