പാലക്കാട് യുവാവ് കൊല്ലപ്പെട്ട സംഭവത്തിൽ ഒരാൾ കസ്റ്റഡിയിൽ; ദുരഭിമാനക്കൊലയെന്ന് സംശയിക്കുന്നതായി പൊലീസ്

പാലക്കാട്:  തേങ്കുറിശിയിൽ പ്രണയിച്ച് വിവാഹം കഴിച്ച യുവാവിനെ കൊലപ്പെടുത്തിയ സംഭവത്തിൽ ഭാര്യയുടെ അച്ഛനായി തിരച്ചിൽ ഊർജിതമാക്കി. ഭാര്യയുടെ അമ്മാവനെ കഴി‍ഞ്ഞ ദിവസം തന്നെ പൊലീസ് കസ്റ്റഡിയിലെടുത്തിരുന്നു. ഇന്നലെ വൈകിട്ടാണ് തേങ്കുറിശ്ശി മാനാംകുളമ്പിൽ വെച്ച് പ്രദേശവാസിയായ അനീഷ് എന്ന യുവാവ് കൊല്ലപ്പെട്ടത്.  അനീഷും ഭാര്യ ഹരിതയും വ്യത്യസ്ത സമുദായത്തിൽപ്പെട്ടവരാണ്. ഇവരുടെ വിവാഹത്തിന് ഹരിതയുടെ വീട്ടുകാർ കടുത്ത എതിർപ്പുയർത്തിയിരുന്നു. എന്നാൽ മൂന്നു മാസം മുൻപ് ഇവർ രജിസ്റ്റർ വിവാഹം ചെയ്യുകയായിരുന്നു.