IS ബന്ധം: അലിഗഢിലെ വിദ്യാർഥിയെ എൻഐഎ അറസ്റ്റ് ചെയ്തു; ഉത്തർപ്രദേശിലും ജാർഖണ്ഡിലും റെയ്ഡ്

ഇസ്ലാമിക് സ്റ്റേറ്റുമായി ബന്ധമുണ്ടെന്ന സംശയത്തെ തുടർന്ന് ജാർഖണ്ഡിലും ഉത്തർപ്രദേശിലും ദേശീയ സുരക്ഷാ ഏജൻസി ഉദ്യോഗസ്ഥർ റെയ്ഡ് നടത്തി. പരിശോധനയ്ക്കൊടുവിൽ 19കാരനായ അലിഗഢ് മുസ്ലീം സർവകലാശാലയിലെ വിദ്യാർഥിയെ എൻഐഎ അറസ്റ്റ് ചെയ്തു. ഐസിസ് ബന്ധം സംശയിക്കുന്ന അഞ്ച് പേരെ ബെംഗളൂരുവിൽ നിന്ന് എൻഐഎ അറസ്റ്റ് ചെയ്തതിന് തൊട്ടുപിന്നാലെയാണ് വീണ്ടും അറസ്റ്റ് ഉണ്ടായിരിക്കുന്നത്.