നവജാതശിശുവിനെ ശ്വാസം മുട്ടിച്ച് കൊന്ന് ചവറ്റു കുട്ടയിലെറിഞ്ഞ അമ്മ അറസ്റ്റിൽ

സൂററ്റ് : നവജാതശിശുവിനെ കൊന്ന് ചവറ്റു കുട്ടയിലെറിഞ്ഞ് അമ്മ അറസ്റ്റിൽ. മാതൃദിനത്തിലാണ് ചോരക്കുഞ്ഞിനെ കൊന്ന കുറ്റത്തിന് സൂററ്റിലെ വറച്ഛ സ്വദേശിനി സോനൽ റാത്തോഡ് (40) പിടിയിലായാത്. ഇക്കഴിഞ്ഞ മാർച്ച് 14 നാണ് പട്ടേൽ നഗറിലെ ഒരു ചവറ്റുകുട്ടയിൽ നവജാത പെൺശിശുവിന്റെ മൃതശരീരം കണ്ടെത്തിയത്. ആദ്യ ഘട്ടത്തിൽ ജനനത്തോടെ മരിച്ച കുഞ്ഞിനെ ഉപേക്ഷിച്ചു എന്നാണ് പൊലീസ് സംശയിച്ചത്. എന്നാൽ പോസ്റ്റ്മോർട്ടത്തിൽ തലയ്ക്കേറ്റ പരിക്കേറ്റാണ് കുഞ്ഞിന്റെ മരണകാരണമെന്ന് കണ്ടെത്തി. ശ്വാസം മുട്ടിച്ച് കൊലപ്പെടുത്തിയ ശേഷമാണ് വലിച്ചെറിഞ്ഞതെന്നും അപ്പോഴാകാം തലയ്ക്ക് പരിക്കേറ്റതെന്നും പോസ്റ്റ്മോർട്ടം റിപ്പോർട്ടിലുണ്ട്.