ഡ്രൈവിങ് ടെസ്റ്റിനിടെ യുവതിയുടെ ശരീരത്തിൽ സ്പർശിച്ചതിന് എം.വി.ഐ അറസ്റ്റിൽ

മലപ്പുറം: ഡ്രൈവിങ് ടെസ്റ്റ് നടക്കുന്നതിനിടെ യുവതിയോട് അപമര്യാദയായി പെരുമാറിയതിന് മോട്ടോർ വെഹിക്കിൾ ഇൻസ്പെക്ടർ അറസ്റ്റിലായി. മലപ്പുറം എം.വി.ഐയും മഞ്ചേരി കാരക്കുന്ന് സ്വദേശിയുമായ സി. ബിജുവിനെയാണ് പൊലീസ് കസ്റ്റഡിയിലെടുത്തത്. സംഭവത്തിൽ പൊലീസ് കേസെടുത്തതിന് പിന്നാലെ സി. ബിജു ഒളിവിൽ പോയിരുന്നു. എന്നാൽ വയനാട്ടിലുണ്ടെന്ന രഹസ്യവിവരത്തെത്തുടർന്ന് പൊലീസ് ഇയാളെ കസ്റ്റഡിയിലെടുക്കുകയായിരുന്നു.